ଭାଗ୍ୟର ବିଡମ୍ବନା

ସିଂହନାଦେ ଯାର କମ୍ପେ ଶତ୍ରୁର ଛାତି

  ବୀର ସୈନିକ ସେ

  ଭାରତ ମାତାର

ଚୀର ବନ୍ଦନୀୟ ତାର ଦେଶ ପ୍ରୀତି l

ଧନ ଜନେ ପରିପୂର୍ଣ୍ଣ ତା ଜୀବନ

 ନଥିଲା କିଛି ଅଭାବ

ତିନି ପୁତ୍ର ସଙ୍ଗେ

ଗୁଣବତୀ ପତ୍ନୀ ଆନନ୍ଦେ ବଞ୍ଚେ ଦିନ l

ହେଲା ଅବସର ବେଳ ପଡିଲାକି କାଳ

ପ୍ରାଣ ପ୍ରିୟା ପତ୍ନୀ

ଛାଡି ଚାଲି ଗଲେ

ଅଜଣା ରୋଗରେ ଶରୀର ହେଲା ଅଚଳ l

ମୁଖରୁ ତା ବଚନ ନ ସ୍ଫୁରିଲା

ଆଖି ଦେଖୁଥାଏ ସର୍ବ

ମନର ସତେଜେ ଜାଣେ

ଭଲମନ୍ଦ ଦେହ ତ ବଇରୀ ହୋଇଲା l

ପୁତ୍ର ମେଳେ ଭୁଲେ ସକଳ ଦୁଃଖ

ନବବିବାହିତ କନିଷ୍ଠ ପୁଅ

କହେ ବିଦେଶ ଭ୍ରମଣ

ଯିବା ପାଇଁ କରିଛି ମନରେ ଇଚ୍ଛା l

ଆଉ ଦୁଇ ଭାଇ ମଧ୍ୟ କହିଲେ

 ଆମେ ମଧ୍ୟ ତୋହ

 ସଙ୍ଗରେ ବିଦେଶକୁ 

  ଯାତ୍ରା କରିବୁ ଆନନ୍ଦ ଭରେ l

ବାପାଙ୍କ କଥା ସର୍ବେ ଚିନ୍ତି

ବଡ଼ପୁଅ କହେ ତାଙ୍କରି

ସକଳ ଦ୍ରବ୍ୟ ସଜାଡି

ବିଶ୍ୱସ୍ତ ଚାକରକୁ ଦେବା ସମର୍ପି l

ଭ୍ରମଣ ଉଲ୍ଲାସ ମନରେ ଭରି

ବାପାଙ୍କ ଦାୟିତ୍ୱ ଦେଇ

ସମସ୍ତେ ଚଳିଲେ ନିଜ

ପଥେ ବାପା ରହିଥାନ୍ତି ଚାହିଁ l

ଦିନେ ସନ୍ଧ୍ୟା କାଳେ ଚାକର ଚଳେ

ମନର ଚଞ୍ଚଳେ ହାଟ

କ୍ଷୀର ରୁଟି ନେଲେ

ବାବୁ ମୋ ଭୁଞ୍ଜିବେ ମନରେ ଭାଳେ l

ବିଧିର ବିଧାନ ବଡ଼ ଯେ ବିଚିତ୍ର

ଦୁର୍ଘଟଣା ଗ୍ରସ୍ତ ହୋଇଲା

ଚେତନା ଶୂନ୍ୟ ହୋଇଲା

ଶଯ୍ୟାଶାୟୀ କରନଲ ଚାହିଁ ରହିଥାନ୍ତି ପଥ l.

ତାଙ୍କରି ବାର୍ତ୍ତା କେହି ନ ଜାଣିଲା

ଘରର ବାହାରେ ତାଲା

ବେଳୁବେଳ କ୍ଷୁଧା ଅସହ୍ୟ

ହୁଅଇ କଣ୍ଠତ ତୃଷ୍ଣାରେ ଶୁଖିଲା l

ଯନ୍ତ୍ରଣା ଜର୍ଜରିତ ପ୍ରାଣ ପାରିଲାନି

ମୃତ୍ୟୁ ସଙ୍ଗେ ଲଢ଼ି

ଜୀବନ ଯୁଦ୍ଧରେ

ପରାଜିତ ହେଲା ମରଣକୁ ନେଲା ବରି l

ତିନି ମାସ ପରେ ଫେରନ୍ତି ସନ୍ତାନ

ବିଦେଶ ଭ୍ରମଣ ସାରି

ଘରେ ତାଲା ଦେଖି

ବିସ୍ମୟେ ଚକିତ ସଭିଙ୍କର ମନ l

ରୁଦ୍ଧ ଦୁଆର ଖୋଲି ନୟନେ ଦେଖେ 

ହୃଦୟ ବିଦାରକ ଦୃଶ୍ୟ

ପୁତ୍ର ପଣକୁ ନିନ୍ଦି

ଅପେକ୍ଷା ମୁଦ୍ରାରେ ଶୋଇଛି ଏକ କଙ୍କାଳ l