Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

gouranga charan beura

Inspirational


3  

gouranga charan beura

Inspirational


BANDHU

BANDHU

1 min 6 1 min 6


ଦୁଃଖରେ ସୁଖରେ  ଅବା ବିପଦରେ

   ବନ୍ଧୁ ତ ହାତ ବଢାଏ,

ଅର୍ଥର ସମ୍ପର୍କେ   ଯିଏ ବାନ୍ଧିହୁଏ

   କ୍ଷଣିକ ବନ୍ଧୁ ବୋଲାଏ ॥


ବନ୍ଧୁତାର ପଥ   ବନ୍ଧୁର ଶପଥ

   ବଇଶାଖି ଚିତାନଳ,

ବସନ୍ତ ମଳୟ   ତା ହୃଦ କମଳ

   ମାପ ତରାଜୁ ସକଳ ॥


ଫେଏସ ବୁଉକ  ହୁଆଟ ସପରେ

   ବନ୍ଦୁକ ବସିଛି ମେଳା,

କେତେ ମତାମତ କେତେ ଯେ ପୀରତି

   ସତେ କି ନୀରଦ ଖଳା ॥


ଇତିହାସ ଫର୍ଦେ ପୈାରାଣିକ ନାଦେ

   ବନ୍ଧୁ ବାନ୍ଧବ ବନ୍ଧନୀ,

ସଂକଟ ମୋଚନେ ପ୍ରୀତି ବୃନ୍ଦାବନେ

   ବାଢିଛନ୍ତି ସଂଜୀବନୀ ॥


ପଶୁପକ୍ଷୀ ଜୀବେ  ବନ୍ଧୁର ସ୍ୱଭାବେ

   ପରିବେଶେ ରଖି ଭାବ,

ସଜଳ ଦୃଷ୍ଟାନ୍ତ   ଦେଉଛନ୍ତି ନିତ୍ୟ

   ବନ୍ଧୁର ତାହା ବିଭବ ॥


ଜଗତର କର୍ତ୍ତା   ବନ୍ଧୁ ସାଜିଥିଲେ

  ସୁଦାମା ଦ୍ରୈାପଦୀ ପାଇଁ,

ଦାସିଆ ବାଉରି  ବନ୍ଧୁ ସାଲବେଗ

  ବନ୍ଧୁ ମହାନ୍ତିଙ୍କୁ ନେଇ ॥


ବନ୍ଧୁ ପୀରତିରେ  ବନ୍ଧୁ ନାଚୁଥାଏ

   ଅହଂକୁ ଦେଇ ଆହୁତି,

ହିଂସା ଦ୍ୱେଷ କ୍ରୋଧ  ହୁଅଇ ସମିଧ

  ଯଜ୍ଞରେ ଫୁଲାଇ ଛାତି ॥


ଅଗ୍ନିରେ ପୋଡିଲେ ପାଷାଣେ ମାଜିଲେ

   ବନ୍ଧୁତ୍ୱ ଝଲସୁ ଥାଏ,

ଅନାବିଳ ପ୍ରେମେ  ବନ୍ଧନ କମାଣେ

   ପ୍ରୀତିପୁଷ୍ପ ବାଣ୍ଟୁଥାଏ ॥


ସୂର୍ଯ୍ୟ ଚନ୍ଦ୍ର ତାରା  ବନ୍ଧୁତ୍ୱର ତୋରା

   ଗ୍ରହ ମଣ୍ତଳକୁ ନେଇ,

ବର୍ଷ ମାସ ଦିନ   ବନ୍ଧୁତ୍ୱ ବନ୍ଧନ

   ପ୍ରକୃତି ବନ୍ଧନ ପାଇଁ ॥



Rate this content
Log in

More oriya poem from gouranga charan beura

Similar oriya poem from Inspirational