ନବମୀ ସନ୍ଧ୍ୟା ଦର୍ଶନ

ଯିବି ନାହିଁ କାଶୀ ଅବା ବାରଣାସୀ

  ଯିବି ନାହିଁ ବୃନ୍ଦାବନ

ଆଡପ ମଣ୍ଡପେ ଗୁପ୍ତ ବୃନ୍ଦାବନେ

  କରିବି ପ୍ରଭୁ ଦର୍ଶନ

ସେଠାରୁ ଶୁଭୁଛି ତାର ବଂଶୀ ସ୍ଵନ

ଶରଧା ବାଲିରେ ଦିଶେ ପିଲାଦିନ

  ସେଇ ପରା ବୃନ୍ଦାବନ l0l

ନୁହନ୍ତି ଦେବକୀ ନୁହନ୍ତି ଯଶୋଦା

  ସେଇ ତ ଗୁଣ୍ଡିଚା ମାତା

ପଣତ କାନିରେ ବାନ୍ଧି ହୋଇଛନ୍ତି

  ଆଜି ଜଗତ କରତା

ବିଶ୍ୱାମାତାଙ୍କର ଏ ବିଶ୍ୱଭୂବନ

ବରଷକେ ଥରେ ଶ୍ରୀ ନନ୍ଦନନ୍ଦନ

  ଭକ୍ତଙ୍କୁ ଦେବେ ଦର୍ଶନ l1l

ଯେଉଁ ଦର୍ଶନରେ କୋଟି ପୂଣ୍ୟ ମିଳେ

   କୋଟି ଜନ୍ମ ତପ ଫଳେ

ମନ୍ଦିରେ ଦର୍ଶନ ଦଶ ଗୁଣ ବଳି

   ପୁଣ୍ୟ ଏ ଦର୍ଶନେ ମିଳେ

ଆଡପ ବେଦୀରେ ଶ୍ରୀ ମଧୁସୂଦନ

ନବମୀ ସନ୍ଧ୍ୟାରେ ଆଳତି ଦର୍ଶନ

  ସବୁ ଦର୍ଶନଠୁ ଭିନ୍ନ l2l