ତୁମ ପାଇଁ ଆମେ ଗର୍ବିତ
ତୁମ ପାଇଁ ଆମେ ଗର୍ବିତ
ତୁମ ପାଇଁ ଆମେ ଗର୍ବିତ ହେ ଦେବୀ
ତୁମେ ଅଟ ମହିୟସୀ
ସାଧାରଣ ତୁମ ଜୀବନ ଚର୍ଯା ହେ
ତୁମେ ଅଟ ଗରିୟସୀ ।
ପ୍ରକୃତି କୋଳରେ ଶୁଭ ସମୟରେ
ମୟୁରଭଞ୍ଜ ରେ ଜନ୍ମ
ଆଦିବାସୀ ଙ୍କର ମଉଡ଼ ମଣି ହେ
ଓଡ଼ିଆ କରେ ପୂଜନ ।
ପିତା ମାତା ନାମ ଦେଇଥିଲେ ତୁମ
ବାଛି ବାଛି ଯେ ଦୌପଦୀ
ଦୌପଦୀଙ୍କ ଭଳି ସହିଅଛ କଷ୍ଟ
ଭୁଲିନ ନିଜର ସ୍ଥିତି ।
ସଂଘର୍ଷ ମଧ୍ୟରେ ଶିକ୍ଷା ଆହରଣ
ଦେଖାଏ ସଭିଙ୍କୁ ଦିଶା
ସୁଦୂର ଜଙ୍ଗଲୁ ଯାତ୍ରା ଯେ ଆରମ୍ଭ
ସ୍ନାତକ ଡିଗ୍ରୀ ର ନିଶା ।
ଶିକ୍ଷକ ଜୀବନ ଆରମ୍ଭ କରିଛ
ଶିକ୍ଷା ଅଗ୍ରଗତି ପାଇଁ
ତୁମ ଯାତ୍ରା ପଥ ଖାଲ ଖମା ଡେଇଁ
ହୋଇଛ ତୁମେ ବିଜୟୀ ।
ପିତା ମାତାଙ୍କର ବିୟୋଗ ସହିଛ
ବିପତ୍ତି ଛାଡ଼ିନି ପିଛା
ସ୍ୱାମୀ, ଦୁଇ ପୁତ୍ର ହରାଇଛ ଦେବୀ
ହୋଇନାହଁ କିନ୍ତୁ ମୂର୍ଚ୍ଛା ।
ସଂଗ୍ରାମୀ ସାଜିଛ ସଂଘର୍ଷ କରିଛ
ଜୀବନ ଗୀତା ଲେଖିଛ
ତୁମ ଜୀବନର ପ୍ରତିଟି ପୃଷ୍ଠାରେ
ଜୀଇଁବା ତତ୍ତ୍ଵ ଭରିଛ ।
ମହାଭାରତର ଦ୍ରୌପଦୀ ନ ହୋଇ
ଜୀବନ ଯୁଦ୍ଧେ ଲଢିଛ
ରାଜନୀତି କ୍ଷେତ୍ର ମଣ୍ଡନ କରି ବି
ସଫଳ ତୁମେ ହୋଇଛ ।
ଗଭର୍ଣ୍ଣର ପଦ ସମ୍ଭାଳିଛ ତୁମେ
ମଣିଷ ମନ ଚିହ୍ନିଛ
ଆଧ୍ୟାତ୍ମବାଦକୁ ନିଜର କରିଛ
ମାନବତା ନ ଭୁଲିଛ |
ଗୀତା ଜ୍ଞାନ ଖାଲି ଅର୍ଜନ କରିନ
ତର୍ଜମା ମଧ୍ୟ କରିଛ
ଜୀବନର ପ୍ରତି ପାହାଚରେ ତାକୁ
ଆହରଣ ବି କରିଛ ।
ତୁମ ଜୀବନର ସଦ୍ଗୁଣ ମହକେ
ଜଗତ ମହକାଇଛ
ତୁମ ଜୀବନର ଅନୁଭବ ବାଣ୍ଟି
ଜୀଇଁବା କଳା କହିଛ ।
ସଦ୍ଗୁଣରେ ଭରା ଜୀବନ ତୁମର
ନମନୀୟ ତୁମ କାନ୍ତି
ତୁମେ ଏ ଜାତିର ନାରୀ ରତ୍ନ ପରା
ଦେଖିଲେ ଲାଗଇ ଶାନ୍ତି ।
ତୁମ ଜୀବନର ସଂଘର୍ଷ ର ଗାଥା
ଦିଏ ବିଜୟ ବାରତା
ଦୁର୍ଗମ ପଥ ର ଅତିକ୍ରମ ପରେ
ହୋଇଛ ଜଗତ ଜିତା ।
ତୁମେ ଏ ଦେଶର ମହାମହିମ ହେ
ରାଷ୍ଟ୍ରପତି ମହାମାନ୍ୟ
ଓଡ଼ିଶା ମାଟି ଯେ ଗର୍ବିତ ଆଜି
ନିଜକୁ ମଣଇ ଧନ୍ୟ ।
ଗର୍ବିତ ଆଜି ଏଇ ଜନଜାତି
ଗର୍ବିତ ଓଡ଼ିଶା ବାସୀ
ଗର୍ବିତ ସବୁ ନାରୀ ଜାତି ଆଜି
ତୁମରି ମହକେ ଭାସି ।
ଜୀବନ ଯୁଦ୍ଧରେ ତୁମେ ହେ ଅର୍ଜୁନ
ନାମ ତୁମର ଦୌପଦୀ
ଦୂରରୁ ପ୍ରଣମେ ଆହେ ମହାମାନ୍ୟ
ତୁମେ ଜୀବନ ଚୌପଦୀ ।