ଅଧର ପଣା

ଭିଡି ଭିଡି ତାର ରଥ ଦଉଡି

  ବାହୁଡ଼ାରେ ପ୍ରଭୁ ଆସି ବାହୁଡ଼ି

ସର୍ବ ଦେବାଦେବୀ ରଥରେ ଧରି

  ସିଂହ ଦ୍ୱାରେ ରଥ ଦକ୍ଷିଣେ ମୋଡି

ହେଲେ ସୁନାବେଶ ସେ ଜଗତ ଈଶ

   ମହଣ ମହଣ ସୁନା ଉଜାଡି ।

ସୋରିଷ ଫୁଲ କି ସେ ଜହ୍ନି ଫୁଲ

   ଅବା କୃଷ୍ଣଚୁଡା ରଥେ ସମ୍ଭାର

ଚିକଣ କାଳିଆ ଦେହେ ସୁବର୍ଣ୍ଣ

  କୋଟି ସୂର୍ଯ୍ୟ ସମ ହୁଏନି ତାର

ସୁବର୍ଣ୍ଣର କଢି ସୌନ୍ଦର୍ଯ୍ୟର ବଢ଼ି

   କିଏସେ ଦେଇଛି ରଥେ ସଜାଡି ।

ଅଧର ଚୁମ୍ବନ ଅଧର ପଣା

  ସେ ପଣା କଲାଣି ସଭିଙ୍କୁ ବଣା

ଜଗି ବସିଛନ୍ତି ସର୍ବ ଦେବଦେବୀ

  ହଜାଇ ତାଙ୍କର ନିଜ ଠିକଣା

ନିଜ ବାସ ଛାଡି ନୀଳାଚଳେ ପଡି

  ପାଇବାକୁ ଟିକେ ଜଗା ସଙ୍ଖୁଡି ।