ବାର୍ତ୍ତା ଦେଉଥାଏ ଘଡି

ସମୟ କାହାକୁ କରେନି ଅପେକ୍ଷା,

ତା ବାଟରେ ଯାଏ ଗଡି ।

କ୍ଳାନ୍ତ ନ ହୋଇକି କର୍ତ୍ତବ୍ୟ କରହେ,

ବାର୍ତ୍ତା ଦେଉଥାଏ ଘଡି ।।

ଟିକ୍ ଟିକ୍ ଚାଲେ କି ଦିନ କି ରାତି,

ନିୟମିତ ବ୍ୟବଧାନେ ।

ମୋ ପରି କର୍ମଠ ହୁଅ ସର୍ବଜନ,

କହେ ରଖିବାକୁ ମନେ ।।

ସମୟ ମୂଲ୍ୟକୁ ଯିଏସେ ବୁଝିଛି,

ବିକାଶ କରିଛି ସିଏ ।

ପଛରେ ପଡିଛି ସେହି ଏକା ସିନା,

ମୂଲ୍ୟ ନ ବୁଝିଛି ଯିଏ ।।

ବେଳ ଥାଉଥାଉ ସୁଧାରି ଯାଅରେ,

ସମୟକୁ କରି ସାଥି ।

ସମୟ ହିଁ ଏକା ଗଢିବ ତୁମକୁ,

ଦେଖି ସମୟର ପ୍ରୀତି ।।

କେତେ ଘଟଣା ଓ ଦୁର୍ଘଟଣା ସବୁ,

ସମୟ ହିଁ ଅଛି ସାକ୍ଷୀ ।

ତେଣୁ ଆଗେଇବା କର୍ମ କରିକରି,

ସମୟ ଛାଇକୁ ଦେଖି ।।