ପାର୍ଥକ୍ୟ
ପାର୍ଥକ୍ୟ
ଶିଳ୍ପପତି ଆଉ ଖେଳାଳି ଭିତରେ,
ପାର୍ଥକ୍ୟ ଖୋଜିବ ଯେବେ ।
ଦେଶ ପାଇଁ ଦୁହେଁ କରିଥାନ୍ତି କର୍ମ,
ଜଣାପଡିଯିବ ତେବେ ।।
ଜଣେ ଉତ୍ପାଦନ ବଢାଏ ଦେଶରେ,
ଉତ୍ପାଦ ଅଭାବ ହଟେ ।
ଆଉ ଜଣେ ରଚେ ଖେଳରେ ସୁନାମ,
ସର୍ବ ମୁଖେ ଖୁସି ବାଣ୍ଟେ ।।
ଶିତତାପ ନିୟନ୍ତ୍ରିତ କୋଠରୀରେ,
କର୍ମ କରେ ଜଣେ ବସି ।
ଝାଳ ବୁହାଇକି ଖେଳେ ଆଉ ଜଣେ,
ନଭ ତଳେ ହସିହସି ।।
ଖେଳାଳିଟି କେବେ ବିଜ୍ଞାପନ ପାଇଁ,
ଖୋଜେନି ଶିଳ୍ପପତିଙ୍କୁ ।
ଶିଳ୍ପପତି କିନ୍ତୁ ଖେଳାଳି ମାଧ୍ୟମେ,
ବିକିଥାଏ ଉତ୍ପାଦକୁ ।।
ଖେଳାଳିଟି କିନ୍ତୁ ଖେଳ ମାଧ୍ୟମରେ,
ମନୋରଞ୍ଜନ ହିଁ ଦିଏ ।
ରୋଜଗାର ଦେଇ ଶିଳ୍ପପତି ଜଣେ,
ବେକାରୀ ହଟାଇଥାଏ ।।