ଖାଲରେ ପଡଇ ଲୋଭି
ଖାଲରେ ପଡଇ ଲୋଭି
1 min
165
ସମାଜରେ କିଛି ରହିଥାନ୍ତି ଲୋଭି,
କରନ୍ତି ଅଧିକ ଆଶା ।
ଅନ୍ୟର ଧନକୁ ହାତେଇବା ପାଇଁ,
ଲାଗିଥାଏ ତାଙ୍କ ନିଶା ।।
ନିଜ ଧନରେ ସେ ନୁହଁନ୍ତି ସନ୍ତୋଷ,
ଲୋଭ ଗ୍ରାସିଥାଏ ତାଙ୍କୁ ।
ଲୋଭାଶକ୍ତ ହୋଇ ହୁଡିଥାନ୍ତି ପଥ,
ନ ବୁଝନ୍ତି ସମ୍ପର୍କକୁ ।।
ସେଇ ଲୋଭ ଦିନେ ଗ୍ରାସ କରିଦବ,
ଭୁଲିଯିବ ଭାଇ ବନ୍ଧୁ ।
ଲୋଭ ଇଶାରାରେ ପାଉଥିବ ଦୁଃଖ,
ଦିନ ଯିବ କାନ୍ଦୁକାନ୍ଦୁ ।।
ଅଳପରେ ଯିଏ ଲଭଇ ସନ୍ତୋଷ,
ଲୋଭକୁ ମନରୁ ତେଜି ।
ସାରା ଜୀବନ ସେ ଲଭିଥାଏ ସୁଖ,
ଜିତୁଥାଏ ସବୁ ବାଜି ।।
ସଫଳ ଜୀବନ ବିତାଇବା ପାଇଁ,
ଏହା ହିଁ ପ୍ରକୃତ ଚାବି ।
ଲୋଭକରିକରି ଅବାଟରେ ଯାଏ,
ଖାଲରେ ପଡଇ ଲୋଭି ।।