ଆରମ୍ଭିଲା ମହାଯୁଦ୍ଧ
ଆରମ୍ଭିଲା ମହାଯୁଦ୍ଧ
ଇଂଲଣ୍ଡ,ୱେଲ୍ସ ହୋଇଲେ ପ୍ରସ୍ତୁତ,
ବିଶ୍ୱକପ୍ ଆୟୋଜନେ ।
କେତେକେତେ ରଥୀ ହେବେ ସେଠି ଉଭା,
କ୍ରିକେଟ୍ ର ମଇଦାନେ ।।
ଇଂଲଣ୍ଡ ଆଉ ଦକ୍ଷିଣ ଆଫ୍ରିକା,
ଆଜି ଯେ ହୋଇବେ ଭେଟ ।
ଜୁଲାଇ ଚଉଦେ ଶେଷହେବ ଜାଣ,
କ୍ରିକେଟ୍ ର ଏହି ନାଟ ।।
ଆମ ଖେଳାଳିଙ୍କୁ ଉତ୍ସାହିତ ପାଇଁ,
ଯାଇଛନ୍ତି ଭାରତୀୟ ।
କରତାଳି ସହ ତ୍ରିରଙ୍ଗା ଉଡେଇ,
କରିବାକୁ ଜୟ ଜୟ ।।
ବିଶ୍ୱ କ୍ରିକେଟରେ ଭାରତର ସ୍ଥିତି,
ରହିଅଛି ଯେ ସ୍ୱତନ୍ତ୍ର ।
ଆମେ ହିଁ ପିନ୍ଧିବୁ ବିଜୟର ଟୀକା,
ଦେଖିବ ସଭିଙ୍କ ନେତ୍ର ।।
ଆମ ସୈନ୍ୟଗଣ ବିପକ୍ଷ ସୈନ୍ୟଙ୍କ,
ନିଶ୍ଚେ ହଜେଇବେ ନିଦ ।
କ୍ରିକେଟପ୍ରେମୀଙ୍କ ମନରେ ଉତ୍କଣ୍ଠା,
ଆରମ୍ଭିଲା ମହାଯୁଦ୍ଧ ।।