ସମ୍ଭବ କରଇ ନିଦ
ସମ୍ଭବ କରଇ ନିଦ
1 min
218
ନିଦ୍ରାରେ ମନଟା କାହିଁକାହିଁ ବୁଲେ,
ହୁଏନି କେବେ ବିଶ୍ବାସ ।
ପାଣିରେ ବି ଆମେ ଦଉଡିଦଉଡି,
ଶତ୍ରୁକୁ କରଉ ନାଶ ।।
ଭୂତ ପ୍ରେତ ଯେବେ ଗୋଡାନ୍ତି ଆମକୁ,
ଆକାଶରେ ଉଡୁ ଆମେ ।
ଅସମ୍ଭବ ସବୁ ହୁଅଇ ସମ୍ଭବ,
ପଡି ସପନର ପ୍ରେମେ ।।
କେତେବେଳେ ହେଉ ନେତାମନ୍ତ୍ରୀ ପୁଣି,
କେତେବେଳେ ବଡ ଚୋର ।
କେତେବେଳେ ପୁଣି ଦଂଶିଦିଏ ସର୍ପ,
ମନରେ ଆସଇ ଡର ।।
କେତେବେଳେ ଆମେ ଚଲାଉ ଗାଡିକୁ ,
ଘରର ଉପର ଦେଇ ।
କେତେବେଳେ ପୁଣି ଡେଇଁପଡୁ ଗଛୁ ,
ନିଜର ସୁରକ୍ଷା ପାଇଁ ।।
କେତେବେଳେ ପୁଣି ପଡୋଶୀଙ୍କ ସହ,
ହୋଇଥାଏ ଖଣ୍ଡ ଯୁଦ୍ଧ ।
ଏମିତି ଏସବୁ ଅସମ୍ଭବ କଥା,
ସମ୍ଭବ କରଇ ନିଦ ।।