ଆସ ଲଗାଇବା ଗଛ
ଆସ ଲଗାଇବା ଗଛ
1 min
361
ଗଛ ବାଣ୍ଟିଥାଏ ଅମ୍ଳଜାନ ପରା,
ଫୁଲ,ଫଳ ଆଉ ଛାଇ ।
ତଥାପି ମଣିଷ ହୋଇ ସ୍ୱାର୍ଥପର,
ଗଛକୁ କାଟୁଛି କାହିଁ ?
ଗଛ ଯୋଗୁଁ ହୁଏ ନିୟମିତ ବର୍ଷା,
ଚାଷ କାର୍ଯ୍ୟ ହୁଏ ଭଲ ।
ଗଛ ନ ରହିଲେ ନ ହେବ ବରଷା,
ଚାଷୀ ହେବ କଲବଲ ।।
ସୂର୍ଯ୍ୟଙ୍କ ରଶ୍ମିକୁ ଶୋଷିଥାଏ ଗଛ,
ରକ୍ଷା ପାଏ ଆମ ଚର୍ମ ।
ତେଣୁ ଗଛଙ୍କର ଘେନିବା ସୁରକ୍ଷା,
ଏ ହେଉ ଆମର ଧର୍ମ ।।
ଗଛ ବଞ୍ଚିଥିଲେ ଆମେ ହିଁ ବଞ୍ଚିବା,
ଗଛ ପରା ଆମ ବନ୍ଧୁ ।
ଗଛ ନ ରହିଲେ ବଢିବ ଉତ୍ତାପ,
ଦିନ ଯିବ କାନ୍ଦୁକାନ୍ଦୁ ।।
ଅଙ୍ଗାରକାମ୍ଳକୁ ଶୋଷିଥାଏ ସିଏ,
ପରିବେଶ ରଖେ ସ୍ୱଚ୍ଛ ।
ସବୁଜ ସୁନ୍ଦର ପୃଥିବୀ ଗଢିବା,
ଆସ ଲଗାଇବା ଗଛ ।।