ଯଶ ନହେଉ ସର୍ବନାଶ

ପୂଣ୍ୟପର୍ବା ମୋର ଓଡ଼ିଶା ରାଇଜ

   କଳା - କୀର୍ତ୍ତି ଭରପୁର,

ତା' ଭାଷାବିନ୍ୟାସ ଗଦ୍ୟ-ପଦ୍ୟ ଧାର

     ଅତି ମନ-ମୁଗ୍ଧକର ..... ୦

ଛୁଇଁଲେ ଅଧର ଲାଗଇ ମଧୁର

  ଏତେ ମିଠା ତାର ଭାଷା,

ଓଡିଆ ପ୍ରାଣର  ଅମୁଲ୍ୟ ସମ୍ପଦ

  କାଳିଆ କରୁଣା ଆଶା .....୧

ଓଡ଼ଶା ବିଖ୍ୟାତ କାରୁକାର୍ଯ୍ୟ ପାଇଁ

    ମନ୍ଦିରମାଳିନୀ ସାକ୍ଷୀ

ଅତୀତର ଗାଥା ଖୋଦିତ ଚିତ୍ରରେ

    ସ୍ବର୍ଣ୍ଣିମ ରଙ୍ଗକୁ ମାଖି .... ୨

ଆମରି ପୂର୍ବଜ ମଧୁ, ଭଞ୍ଜ, ଦାସ 

  ରଖିଥିଲେ ଯେଉଁ ଯଶ ,

ଆମେ ଏବେ ତାକୁ ପୋଡି ଜାଳି ସବୁ

  କରି ଦେଉ ସର୍ବନାଶ .... ୩

କାରିଗରୀ କୀର୍ତ୍ତି ସାଥେ ପରମ୍ପରା 

  ପିୟୁଷ ସମ ଏ'ଯଶ 

ପାଶ୍ଚାତ୍ୟ ସଂସ୍କୃତି ପରଭାଷା ମୋହେ 

   ହବ କିବା ସର୍ବନାଶ !.... ୪