ଆପଣା ଧର୍ମ

ନ୍ୟାୟାଳୟ ନ୍ୟାୟେ ପରକିଆ ପ୍ରିତୀ 

   ହେଲା ଭାରତ ଭୂଷଣ 

ଗଣତନ୍ତ୍ର ରାଷ୍ଟ୍ରେ ବୃତ୍ତି ବ୍ୟବସ୍ଥାରେ 

   ଶ୍ରେଷ୍ଠ କାଳେ ବେଶ୍ୟା କର୍ମ 

     ଦେଖ ବିଚାରର ମର୍ମ 

ସଂସ୍କୃତି ସଂସ୍କାରେ ଭାରତୀୟ ଶିକ୍ଷା 

    ଖୋଜୁଛି ଆପଣା ଧର୍ମ .....

ଆପଣା ସଂସ୍କୃତି ପୂଜା ଉପବାସେ

    ହାସ୍ୟ ଉପହାସ ଭଣି 

ତୁଚ୍ଛା ବଡ଼ପଣେ ନିଜ ଜ୍ଞାନ ନିଜେ 

    ବାଣ୍ଟନ୍ତି ଥୋକାଏ ଗୁଣୀ 

     କଟାକ୍ଷ ବୀଜକୁ ଭଣି 

ସବୁରି ମନରେ ପାଶ୍ଚାତ୍ୟ ବ୍ୟବସ୍ଥା 

      ମରମ ଦେଲାଣି ହାଣି ..... 

ଧନ୍ୟ ନ୍ୟାୟପାଳ ଧନ୍ୟ ସମ୍ବିଧାନ 

    ଧନ୍ୟ ହେ' ବିଚାରପତି 

ସ୍ବର୍ଣ୍ଣାକ୍ଷରେ ଏବେ ଲିପିବଦ୍ଧ ହବ 

     ତବ ଗୁଣ ଯଶଃକୀର୍ତ୍ତି 

     ଲୋଭମାୟା ରାଜନୀତି 

ମନେ ରଖିଥାଇ ବିଚାର କାଳରେ 

      ନ୍ୟାୟକି ପାଇବ ଗତି .... !