ମଣିଷ

ବିଧାତାର ଏକ ଅମୂଲ୍ୟ ରତନ 

    ଅଟଇ ଏଇ ମଣିଷ 

ସଂସ୍କାର ବିହୁନେ ସାଜିଥାଏ ସିଏ 

    ନର ରୂପରେ ରାକ୍ଷସ 

    ମନେ ଭରିଯାଏ ବିଷ 

ସମ୍ପର୍କକୁ ଭୁଲି  ସ୍ବାର୍ଥକୁ ତଉଲି 

    ହସେ ବିଦ୍ରୁପର ହସ l....୦

ସମାଜ ସୁଧାରେ ଚିନ୍ତା ଚିନ୍ତନରେ 

    ଶ୍ରେଷ୍ଠ ଏଇ ତ ମଣିଷ 

ଗୀତା ଭାଗବତ ତପସ୍ୟା ସାଧନ 

    ସବୁଥିରେ ତା'ର ଯଶ  

Advertisement

p>

     ବିଜ୍ଞାନରେ ଜ୍ଞାନ ବଶ 

ଭୁଲି ମୂଳ ଧର୍ମ ପ୍ରାୟୋଜିତ କର୍ମେ

    ଜଗତକୁ କରେ ନାଶ l.... ୧

     

କାମନା ବାସନା ଆୟତ୍ତରେ ରଖି 

     ମଣିଷ ହୁଅଇ ଋଷି 

ମଣିଷ ରୂପରେ ଦେବତା ଜନ୍ମନ୍ତି 

     ଅବତାର ପରକାଶି 

    ବିଷୟା ରାସରେ ରସି 

 ମଣିଷ ଭୁଲଇ  ନିଜ ସ୍ଥିତି ଜ୍ଞାନ

    କାଳ ଦିଏ ତାକୁ ଗ୍ରାସି l....୨