ତୁଚ୍ଛ ସମ୍ପର୍କ

ସକଳ ସକାଳ ସମୟ ସମ୍ପର୍କ 

ସ୍ନେହ ଶ୍ରଦ୍ଧାରେ ଚାଲେ ଜୀବନ 

ସ୍ୱାମୀ ସ୍ତ୍ରୀ ଶାଶୁ-ଶଶୁରଙ୍କ ମେଳ 

    ତୁଚ୍ଛ ଏ ସମ୍ପର୍କ ମାନ

ଶେଷେ ସାହା ତୋର କର୍ମ ସାଧନ ॥ 

ସପନ ମହଲେ ସର୍ତ୍ତର ସମ୍ପର୍କ 

ସ୍ବାର୍ଥ ନିକିତିରେ ତଉଲା ମୂଲ

ଜାଣିଛି ଜାଣୁଛି ଏକା ନିୟତି

   ତୁଚ୍ଛ ଏ ସମ୍ପର୍କ ମାଳ

ସ୍ୱାର୍ଥରେ ନିହିତ ସମ୍ପର୍କ କାଳ ॥

ଏନ୍ତୁଡିଶାଳରୁ ମଶାଣି କୋଳ

ଧନ ଅରଜନେ କୃପଣ ମେଳ 

ଦୈହିକ ସୁଖରେ ସ୍ତିରିର କୋଳ 

   ତୁଚ୍ଛ ସେ ସମ୍ପର୍କ କାଳ

ଶେଷେ ସାହା ସେଇ ନନ୍ଦ-ଗୋପାଳ ॥

ରକତ ସମ୍ପର୍କ ଅବା ପ୍ରିୟା ପ୍ରିତୀ 

ନଥିଲେ ଏ'ମନେ ବିଭୁ ଭକତି

ସଂସାର ଜଞ୍ଜାଳ ବୃଥା ସବୁ ଯୁକ୍ତି 

    ତୁଚ୍ଛ ଏ ସମ୍ପର୍କ ମତ୍ତି

ଆତ୍ମା-ପରମାତ୍ମା ନିବିଡ଼ ଅତି ॥

ସଂସାରର ସତ୍ୟ ଏକା ତ ଧର୍ମ 

ସୁଧାରସ ନୁହେଁ ସୁହାଗ ଦିନ !

ସହଭାଗୀ ନୁହେଁ କେ' ପରିଜନ 

    ତୁଚ୍ଛ ଏ ସମ୍ପର୍କ ମାନ 

ଶେଷ ଠିକଣା ତ' ଜୁଇ ଶ୍ମଶାନ ॥