ବୃକ୍ଷ ଓ ନାରୀ

ପରିବାର ଠାରୁ ପରିବେଶ ସୃଷ୍ଟି 

    ନାରୀର ହାତ ସବୁଠି 

ବୃକ୍ଷ ଆଉ ନାରୀ ସମ ଗୁଣ ବର୍ତ୍ତୀ 

  ପରୋପକାରେ ଦୁହେଁ ଟି।

ସ୍ନେହ,ଶ୍ରଦ୍ଧା,ପ୍ରେମ ସଦା ଝରୁଥାଏ 

  ସଂସାର ମଧ୍ୟେ ସାରଟି 

ବୃକ୍ଷ ଓ ନାରୀ ଦୁହେଁ ଉପକାରୀ 

   ଏକଥା ଅନ୍ୟଥା ନୁହେଁଟି ।

ନାରୀ ସାଜେ ମାତା, ଭଗିନୀ ଦୁହିତା 

  କେବେ ଜାୟା ପତିବ୍ରତା 

ସବୁରି ରୂପରେ ପ୍ରେମ କାଙ୍ଗାଳିନୀ 

  ସେଇ ପଥ ପ୍ରଦର୍ଶିକା ।

ବୃକ୍ଷ ବି ସେମିତି ଅମ୍ଳଜାନ ପାଇଁ 

  ନିତାନ୍ତ ଜରୁରୀ ଆମ

ବାସଗୃହ ଠାରୁ ଶ୍ମଶାନ ପର୍ଯ୍ୟନ୍ତ 

  ନିଃସ୍ବାର୍ଥେ ଦିଅଇ ଦାନ ।

ଦୁହିଁଙ୍କ ମିଳନେ ଅପୂର୍ବ ସୌନ୍ଦର୍ଯ୍ୟ 

  ଝଲସିଲା ତନୁମନ 

ଉପମା ଦେବାକୁ ଭାଷା ନାହିଁ ମୋର 

   ଦୁହିଁଙ୍କୁ କଲି ନମନ।