ତୁଚ୍ଛ ସମ୍ପର୍କ

ଧନ ଯଉବନ ପଦବୀ ଆସନ 

   କିଛି ନୁହେଁ ଚିରସ୍ଥାୟୀ 

ମାୟା ମୋହ ସାଥେ ଚାଲିଛି ସଂସାର 

    ସବୁ ଏଠି କ୍ଷଣସ୍ଥାୟୀ । ୧

ଭୋଗ ବିଳାସର ଅତୁଟ ବନ୍ଧନ 

    ତୁଚ୍ଛ ସେ ସମ୍ପର୍କ ମଣି 

ସତ୍ୟ ନ୍ୟାୟ ସାଥେ ବାନ୍ଧିଲେ ସମ୍ପର୍କ 

    ଭବିଷ୍ୟତ ହେବ ଗୁଣି । ୨

ମାଟି ସାଥେ ମେଘ ରହିଛି ସମ୍ପର୍କ 

    ନୁହଁଇ ସେଇଟି ତୁଚ୍ଛ 

ସଂସାର ମଙ୍ଗଳେ ଅପୂର୍ବ ସେ' ଦାନ 

   ପବିତ୍ର ଆଉ ସେ ସ୍ବଚ୍ଛ । ୩

ଜହ୍ନ ସାଥେ କଇଁ ସମର୍ପଣେ ବନ୍ଧା 

   ତୁଚ୍ଛ ନୁହଁଇ ସେ ସମ୍ପର୍କ

ଭକତର ମନେ ବିଭୁ ପଦ ସେବା 

   ସ୍ବଚ୍ଛ ସମ୍ପର୍କ ଯଥାର୍ଥ । ୪

ସଂସାର ଜଞ୍ଜାଳେ ରହୁ ଏ ଶରୀର 

     ପଦୁଅଁ ପତରେ ପାଣି  

ସ୍ବାର୍ଥ ସାଥେ ଥିଲେ ମନର ସମ୍ପର୍କ 

    ତୁଚ୍ଛ ସମ୍ପର୍କ କାହାଣୀ । ୫