ଜଗିକି ଥିବୁ

ବାହାରକୁ ତୁ ଆସିଛୁ କାଳିଆ

ମେଘ ବରଷାକୁ ଜଗିକି ଥିବୁ

ଏତେ ଦିନେ ତୋତେ ଦେଖୁଛି ଭକତ

ଭକ୍ତ ଆବେଗକୁ ଜଗିକି ଥିବୁ ।

ମହାମାରୀ ଟିଏ ବାହାରେ ବୁଲୁଛି

ନିଜ ଦେହକୁ ଜଗିକି ଥିବୁ

ଏବେ ତ ଜରରୁ ଉଠିଛୁ ଧନରେ

କହୁଛି ତୁ ଟିକେ ଜଗିକି ଥିବୁ ।

ତୋ ରୂପ ନ ଦେଖି ବାଇଆ ସମସ୍ତେ

ନଜରକୁ ଟିକେ ଜଗିକି ଥିବୁ

ମାଉସୀ ଘରକୁ ଯିବୁ ତୁ ମଉଜେ

ଲକ୍ଷ୍ମୀଙ୍କ କୋପକୁ ଜଗିକି ଥିବୁ ।

କାଳିଆ ହାତୀ ମୋ ନୟନ ପିତୁଳା

ମୋ ଲୁହ ବନ୍ୟାକୁ ଜଗିକି ଥିବୁ

ହାତ ଟେକି ତୁ ଯେ ଡାକୁଛୁ ମଣିମା

ହୃଦୟ ଭାବକୁ ଜଗିକି ଥିବୁ ।

ସାରା ବିଶ୍ବ ଆଜି ତୋତେ ହିଁ ଚାହୁଁଛି

ଭଲରେ ଯାଇ ତୁ ଭଲରେ ଫେରିବୁ

ଦଳି ଦେଇ ସବୁ ଦୁଃଖ ଯାତନାକୁ

ସୁଖ ଦଳିବୁନି ଜଗିକି ଥିବୁ ।

ଶୂନ୍ୟ ମନ୍ଦିରର ରତ୍ନ ସିଂହାସନ

ଶୁଭ ଆଗମନେ ପୂର୍ଣ୍ଣ କରିବୁ

ତୋହରି ବାଟକୁ ଅଗଣିତ ଭକ୍ତ

ସବୁ ଆମେ ସଦା ଜଗିକି ଥିବୁ ।