ଅମର ବୀର ସନ୍ତାନ

ଜନନୀ ମୋ ଜନ୍ମଭୂମି

 ତୁହି ମୋ ଭାରତ ମାତା

ତୋ କୋଳେ ଜନମି

 ଜନନୀ ମୋହର 

  ହୋଇବି ଜଗତ ଜିତା।

ତୁହି ମୋ ଭାରତ ମାତା    

ଗାନ୍ଧୀ ଗୋପବନ୍ଧୁ ନେତାଜୀ ସୁଭାଷ

 ଶାସ୍ତ୍ରୀ ବକ୍ସି ଜଗବନ୍ଧୁ

ଲାଲ୍ ବାଲ୍ ପାଲ୍ ବାଜିଆ ରାଉତ

 ପୁଣି ଆମ ମଧୁବାବୁ

କରମ ସାଧିଲେ ସୁ ଯଶ ରଖିଲେ

ନୁଆଁଇ ନ ଥିଲେ ମଥା।

 ତୁହି ମୋ ଭାରତ ମାତା   

ରାଣୀ ଲକ୍ଷ୍ମୀବାଇ ସାହସ ପାଖରେ

 ନଇଁ ଯାଏ ଆମ ମଥା

ଲକ୍ଷ୍ମଣ ନାୟକ ବିର୍ସା ମୁଣ୍ଡା ପୁଣି

 ଯାହା ପାଇଁ ଦେଲେ ମଥା

ଏମିତି ଜନନୀ କୋଳେ ମୁଁ ଜନମି

 ହେବି ମୁଁ ଜଗତଜିତା।

 ତୁହି ମୋ ଭାରତମାତା