ଆନ୍ତର୍ଜାତିୟ ପିତୃ ଦିବସ

ଶୁଭ ଅବସର ପିତୃ ପୂଜନର 

   ସନ୍ତାନ ସନ୍ତତି ଗଣ , 

ଭକ୍ତି ଅର୍ଘ୍ୟ ଢାଳି ସମର୍ପଣ ପ୍ରୀତି 

   ପିତାହିଁ ପରମ ବ୍ରହ୍ମ ॥

ସରଗଠୁ ବଡ଼ ପିତୃ ଦେବ ଆମ 

    ଏକଥାଟି ଅଛି ଲେଖା , 

ପିତୃ ଆଶିର୍ବାଦ ଶୁଭ ପ୍ରଦାୟକ 

    ଜନ୍ମ ଜନ୍ମାନ୍ତର ସଖା ॥ 

ପିତୃ ଅବଦାନ ଅମୂଲ୍ୟ ରତନ 

   ସ୍ଵେଦ ବିନ୍ଦୁ କହେ କଥା , 

ସର୍ବ ସମର୍ପଣେ ପିତା ଅବିରତେ 

    ଦିଏନି କଷଣ ବ୍ୟଥା ॥ 

ଉଣେଇଶ ଦଶ ମସିହା ଅବଶ୍ୟ 

    ସ୍ମୃତିର ଅଭୁଲା ଦିନ , 

କହେ ଇତିହାସ ଜୁନ ମାସର 

    ତୃତୀୟ ରଵିକୁ ମାନ ॥ 

ଆମେରିକା ବାସୀ ପାଳନେ ସୁଖ୍ୟାତି 

     ପିତୃ ପୂଜନର ସ୍ମୃ୍ତି , 

ସୋନାରା ସ୍ମାର୍ଟ ପିତାଙ୍କ ସୁପୁତ୍ର 

    ବଖାଣିଲେ ଅନୁଭୂତି ॥ 

ଲାଳନ ପାଳନେ ପାଶ୍ଚାତ୍ୟ ଦେଶରେ 

    ପିତାଙ୍କ ଭୂମିକା ବେଶି , 

ସୋନାରା ସ୍ମାର୍ଟ ଏହି ସମ୍ମାନାର୍ଥେ 

    ଦିବସ ପାଳିଲେ ହସି ॥ 

ପିତା ମାତା ଦୁହେଁ ସଂସାର ବନ୍ଧନେ 

     ସମର୍ପିତ ବାରିଧାରା , 

ଶାବକ ହସିଲେ ପେଟ ପୁରିଯାଏ 

     ସରଗର ଚାନ୍ଦ ପରା ॥ 

ନଖାଇ ନପିଇ ଲହୁ ଲୁହ ଢାଳି 

    ଆହାର ଯୋଗାଡ କରେ , 

ସେଇ ଆମ ପିତା ସେଇ ଆମ ବାପା 

    ମନେରଖ ଭାବନାରେ ॥ 

ସନ୍ତାନ ସନ୍ତତି କରୁଛି ବିନତୀ 

     ପିତାଙ୍କୁ ସମ୍ମାନ କର , 

ବୃଦ୍ଧ କାଳେ ସ୍ନେହଁ ଢାଳ ନିରନ୍ତର 

     କରନାହିଁ ହତାଦର ॥ 

ପିତୃ ଦିବସକୁ ମନେ ରଖିବାକୁ 

     ସ୍ମୃ୍ତି ଚିତ୍ର ଆଙ୍କି ଦିଅ , 

ଜୁନ ମାସର ଏକୋଇଶ ରିଖ 

    ମହାର୍ଘ୍ଯ ସ୍ମୃତିର ଖିଅ ॥