Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Siba Sahu

Others


4.3  

Siba Sahu

Others


ବାପା

ବାପା

1 min 305 1 min 305

ତମେ ସବୁକାଳେ ଉଦାର, ନିର୍ବିକାର 

ସବୁ ଦୋଷ ଦୁର୍ବଳତାକୁ କ୍ଷମା କରି

ପାଲଟିଯାଅ ସହଚର 

ମୋ ପାଇଁ ଅବତାର !


ବୟସ ତ ଆପେକ୍ଷିକ !

କିଏ ଜାଣେ ଚିରସ୍ରୋତା ମହାକାଳ ଗତି 

କାହାକୁ କରିବ ଶିଶୁ, ଯୁବକ ବା ବୃଦ୍ଧ

ସବୁକିଛି ଘଟଣା ସାପେକ୍ଷ !


କଖାରୁ ଡଙ୍କ ଭଳି ବୟସ

ଅଜଗର ଭଳି ଜୀବନର ବୋଝ 

ସବୁ ଦୁଃଖକୁ ପଛ କରି 

ଓଠରେ ମାଖିଦିଅ ହସ ତୃପ୍ତିର ।


ଏବେ ବି ଅଛି : ଭାଗବତ ଟୁଙ୍ଗୀଘର

କୋଉଠି ନା କୋଉଠି ,

ଚାଲିଛି ହରିନାମ ସଂକୀର୍ତ୍ତନ,

ସଜ୍ଜନ ବେଭାର !


ତମ ଆଖିରେ ଆଖିଏ ସ୍ୱପ୍ନ 

ଛାତ ଉପରର ପାକଳ ଖରା ଭଳି

ଏବେ ବି ଉଜ୍ଜ୍ୱଳ

ଆମ୍ବକାଠ ପିଢ଼ା ଆଉ ଭାଗବତ ପୋଥି

ଗଙ୍ଗାଜଳ ଓ ନିର୍ମାଲ୍ୟର ସାତ୍ତ୍ଵିକ ସକାଳ

ତମେ ଅପରାଜେୟ : ମହାକାଳ !


ତମେ ଅଛ, ଥିବ, ଜନ୍ମ ଜନ୍ମାନ୍ତର

ଏ ପୁର ଓ ସେ ପୁରର ପାର୍ଥକ୍ୟ ନାହିଁ

ତମ ଓ ମୋ ଭିତରେ,

ଯେହେତୁ ସମ୍ପର୍କ ଆମର

ବିସ୍ତୃତ ପରିଧିର ! 



Rate this content
Log in