Siba Sankar Sahu

Tragedy Others


3  

Siba Sankar Sahu

Tragedy Others


ଦାଦନ

ଦାଦନ

1 min 229 1 min 229


କୁଆ ବି କା' କରେନି ଏଠି,

ପ୍ରବାସରେ !

ମୋବାଇଲ ଆଲାର୍ମରେ ଆରମ୍ଭହୁଏ ଦିନ

ଅସଜଡ଼ା ମନ ପଡ଼ିରହେ ଶେଯରେ,

ଦେହ ସହେ କଷଣ :କର୍ମର

ଆସନ୍ତାକାଲିର ସ୍ୱପ୍ନରେ !


ଗୋଟେ ନିଶାରେ ବଢିଚାଲେ କାମ ।

କେବେ କେବେ,ଦଣ୍ଡେ କ୍ଷଣେ 

ଅଟକିଯାଏ, ହାତ 

ଅତୀତ ଦୋଳି ଖେଳେ 

ଗାଁ, ସ୍ତ୍ରୀ ପିଲା ବାପା ବୋଉ 

ମନେପଡେ ଅପା ,

ଟିକେ ମନଭରି ଦେଖିବା ବେଳକୁ

ମାଲିକର ନାଲିଆଖି ଡରାଏ ।


ଲୋଡ଼ା ଥିଲା କି ଦି' ଟଙ୍କିଆ ଚାଉଳ?

ଛତା ଓ ମୋବାଇଲ ,

ହରିଶ୍ଚନ୍ଦ୍ର ଯୋଜନା ଅବା

ତମ ମାଗଣା ଗ୍ୟାସହାଣ୍ଡି !


ଜମିକୁ ପାଣି ଦିଅ, ସରକାର

ଦିଅ ନିର୍ଭେଜାଲ ବିହନ, ସାର

ପୋକମରା ଔଷଧ

ଦିଅ ସାହସ ,

ମୁଁ ଲଢିଯିବି ଘାତ ପ୍ରତିଘାତରେ

ମୋ ହାତର କୁହୁକ ଛୁଆଁ

ସୁନା ଫଳେଇବ ମାଟିରେ !

କାରଖାନା ଭଳିକିଭଳି ବସାଅ 

ତାକତ ଅଛି ଓଡ଼ିଆ ପୁଅର

ମୁଁ ଖଟିବି ରକ୍ତକୁ ପାଣିକରି, 

ଏଇଠି ଓଡିଶା ମାଟିରେ ।


କେତେ ଆଉ ସହନ୍ତି 

ଖୁଁ ଖୁଁ କାଶ ବାପାର ,

ଭରସା ପାଉ ନ ଥିବା ଅପା'ର ଚାହାଣୀ

ମା' ଆକ୍ଷିରେ ସଙ୍କୁଚିତ ହେଉଥିବା ସ୍ୱପ୍ନ 

ଆଉ କେତେ ବୋଝ ବୋହିଥାନ୍ତି?

ସ୍ତ୍ରୀ ଓ ପିଲାଙ୍କ ଆଗରେ: 'ବିଫଳ ମଣିଷର' ?


କିଛି ବି ହେଲାନି !

ମାଟିତଳେ ପ୍ରାଚୁର୍ଯ୍ୟ, ଉପରେ ଭୋକ 

ସମୁଦ୍ରରେ ରତ୍ନ, କୂଳରେ ବେସାହାରା ମଣିଷ

ମଠ, ମନ୍ଦିରରେ ସାଇତା ସଂସ୍କୃତି 

ଚାରିପାଖେ ଭିକାରୀଙ୍କ ଭିଡ଼ ।


ନା ଚାଷକୁ ପାଣି , ନା ହାତକୁ କାମ

ମୋ ଦେଇ ହେଲାନି ଜୟଜୟକାର 

ସିଂହାସନର , 

ମୋ ଦେଇ ହେଲାନି ଗମାତ, 

ଦେଶୀ ସହ ତାସମାଡ଼ର ।


କିଏ ଗୋଟେ ଡାକିଲା ମେଳିରୁ,

ଆ' ବାହାରିଯିବା 

ଦଲାଲ ବଢ଼େଇଦେଲା କିଛି ଟଙ୍କା, 

ସଜ ହେଲା ଟ୍ରଙ୍କପେଢି ଅସହଜ ମନରେ

ମୁହଁରେ ମିଛଖୁସି ଫୁଟେଇ , 

ବାହାରିବାକୁ ହେଲା ଟ୍ରକ ଡାଲାରେ !



Rate this content
Log in

More oriya poem from Siba Sankar Sahu

Similar oriya poem from Tragedy