Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Siba Sahu

Romance Others


4.7  

Siba Sahu

Romance Others


ମେଘ

ମେଘ

1 min 43 1 min 43


 ଆସ !

ମୋ ଦୁଃଖର ପାହାଚ ଡେଇଁ

ମନ ଗହୀରରେ

ସେଇ ଯେ ସାଇତା ସ୍ମୃତି

ଖୋଲିଦେଖ ,

ତମ ସବୁ ଅଭିମାନ, ପ୍ରତିଶୃତି 

ଭଲପାଇବାର ନିବିଡ଼ ଆଶ୍ଲେଷ

କେମିତି ଝୁଲିଛି , ମେଘ ହେଇ ଆକାଶରେ !


ବ୍ୟବଚ୍ଛେଦ କରିବ ତ ସମୟର 

ଝରି ଆସିବ ଲହୁ, ଲୁହ ସହ

ମେଘ ଭର୍ତ୍ତି ଆକାଶରେ ଦେଖିହବ

ମନପବନ ଘୋଡା

ଶୁଣ୍ଢଉଠା ହାତୀ, ଉଡିଯାଉଥିବା

ଚିତ୍ରିତ ଚଢେଇ , ଜାହାଜ 

ଏମିତିକି ଅସହଜ ମୁହଁ ପ୍ରେମିକର !


ଯେତେସବୁ ଚହଲାପାଣିର ଛାଇ ,

ଫେରିଯାଇଥିବା ସମୟ 

ତମେମୟ !

ମୁଁ ଓ ମୋ ମେଘମନସ୍କ ଚେତନା

ତଥାପି ଖୋଜି ବୁଲେ 

ପକ୍ଷୀରାଜ ଘୋଡା , ତମ ଅନ୍ୱେଷଣରେ !


ଥରେ ଆସ ।

ବର୍ଷାରେ ରୂପାନ୍ତରିତ ହେଇ, 

ଛୁଇଁ ଯାଅ ତାଳୁରୁ ତଳିପା' ଯାଏ 

ସମଗ୍ର ସତ୍ତାରେ ,

ପ୍ରଶସ୍ତ କର

ମୋ ଭିତରେ ସୁପ୍ତଥିବା ବିଶ୍ୱାସକୁ 

ଦିଅ ଜୀବନ୍ୟାସ !!



Rate this content
Log in

More oriya poem from Siba Sahu

Similar oriya poem from Romance