Library
Profile
ବାଗ୍ଦେବୀ
ବାଗ୍ଦେବୀ
ବାକ୍ୟଦେବୀ ସରସ୍ବତୀ
ବିଦ୍ୟା ପ୍ରଦାୟିନୀ
ଦୋଷ ଅପରାଧ କ୍ଷମ
କରୁଛି ଦୟିନୀ ।
ତୁମ୍ଭ କୃପା ବଳେ ମୁକ
କଥା ଯେ କହଇ
ସବୁ କଣ୍ଠେ ବସି ମାଗୋ
ବିଦ୍ୟା ଦେଉ କହି ।
ସାତ ଜନମ ମୁରୁଖ
କାଳି ଦାସ ଥିଲେ
ତୋତେ ସେବା କରି ମାଗୋ
ପଣ୍ଡିତ ହୋଇଲେ ।
ନବ ରତ୍ନ କବି ସଭା
ମଧ୍ୟରେ ଗଣିତ
ମେଘଦୂତ, ଶକୁନ୍ତଳା
କରିଲେ ରଚିତ ।
କୁମାର ସମ୍ଭବ ଗାଥା
ପାର୍ବତୀଙ୍କ ତପ
ଭସ୍ମ ହେଲେ କାମଦେବ
ଶିବ କଲେ କୋପ ।
ସଂସ୍କୃତ ଶ୍ଳୋକରେ ସବୁ
କରିଲେ ବର୍ଣ୍ଣନା
ମୁରୁଖରୁ ପଣ୍ଡିତରେ
ହୋଇଲେ ଗଣନା ।
କଣ୍ଠେ ବସି ବାକ୍ୟ କହି
ଦିଅନ୍ତି ଯେ ସେହି
ସେଥିପାଇଁ ବାଗ୍ଦେବୀ
ନାମ ଛନ୍ତି ବହି ।
ଲକ୍ଷ୍ମୀ ପୁରାଣରେ ଏହା
ହୋଇଛି ବର୍ଣ୍ଣିତ
ଭିକ୍ଷା ମାଗୁଥିଲେ ଘରେ
ଘରେ ଜଗନ୍ନାଥ ।
ପ୍ରତି କଣ୍ଠେ ସରସ୍ବତୀ
ତୁମେ ବିଜେ କଲ
ଲକ୍ଷ୍ମୀ ଆବାହନ କଲେ
ଖଇ ଉଡେଇଲ ।
ତୁମ୍ଭେ ଯା କଣ୍ଠରେ ବସ
ସେ ଦିଅଇ ଆଶ୍ରା
ତୁମ୍ଭେ ନ ଚାହିଁଲେ ସିଏ
ହୁଅନ୍ତି ନିରାଶା ।
ସଗର ରାଜାଙ୍କ କଣ୍ଠେ
ଯାଇ ମା ବସିଲୁ
କନ୍ୟା ବଦଳରେ ପୁତ୍ର
ତୁଣ୍ଡେ କହିଦେଲୁ ।
ମନ ଦୁଃଖ କରି ସିଏ
ପୁତ୍ରଙ୍କୁ ପାଳିଲେ
କପିଳ ମୁନିଙ୍କ କୋପେ
ସର୍ବେ ଜଳି ଗଲେ ।
ତୁମ୍ଭ ଆଶୀର୍ବାଦେ ଶେଷେ
ରାଜା ଭଗୀରଥ
ଗଙ୍ଗା ଆସିବାରୁ ସର୍ବେ
ଗଲେ ମୁକ୍ତି ପଥ ।
ବିଭୀଷଣ, କୁମ୍ଭକର୍ଣ୍ଣ,
ରାବଣ ତପସ୍ୟା
କଣ୍ଠେ ବିଜେ କଲୁ ମାତ
ହୋଇଲେ ନିରାଶା ।
ବଦଳେଇ ଦେଲୁ କଣ୍ଠେ
ବସି ତୁହି ବର
ଯୁଦ୍ଧ ବେଳେ କଣ୍ଠେ ବସି
ଦେଲୁ ସ୍ବର୍ଗପୁର ।
ମୋର ଦୋଷ ଧର ନାହିଁ
ଜଗତ ଜନନୀ
ଅପରାଧ କ୍ଷମା କର
ବ୍ରହ୍ମାଙ୍କ ନନ୍ଦିନୀ ।
ତୁମ ଆଶୀର୍ବାଦେ ମୁର୍ଖ
ହେଇଯାଏ କବି
ମରାଳ ବାହିନୀ ପାଦେ
ନମଃ ବାଗ୍ଦେବୀ ।
