ବାଦଲର ଗର୍ଜନ

ଉଷ୍ମ ଜଳ ବାଷ୍ପ ହୁଏ ଉର୍ଦ୍ଧ୍ବଗାମୀ

ବାଦଲ ଶୂନ୍ଯ ବିହଗ

ଶୀତଳ ପବନ ସଂସ୍ପର୍ଶେ ଆସିଲେ

ଘନୀଭୂତ ହୁଏ ମେଘ ।

ଉପୁଯେ ସଂସର୍ଗେ ତଡିତ ବିଦ୍ୟୁତ 

ଚମକେ ବିଜୁଳି ଦ୍ଯୁତି

ନିମ୍ନ ଭୂଭାଗକୁ ହୁଏ ଆକର୍ଷିତ

ଶବଦ କରେ ଉତ୍ପତ୍ତି ।

ଭେଦି ବାୟୂସ୍ତର ବିଜୁଳି ତରଙ୍ଗ 

ସୃଷ୍ଟି କରେ ପ୍ରକମ୍ପନ

ଫାଟିପଡ଼େ କର୍ଣ୍ଣ ଘଡଘଡି ଶବ୍ଦେ

ବାଦଲ କରେ ଗର୍ଜନ ।

ବରଷେ ପ୍ରବଳ ଧାରା ଶିରାବଣ 

ବାଦଲ କଳାହାଣ୍ଡିଆ 

ଗରଜେ ବାଦଲ ଚମକେ ବିଜୁଳି

ବହେ ଚକ୍ରବାତୀ ବାଆ ।

ଉପୁଯଇ ଭୀତି ବାଦଲ ଗର୍ଜନେ

ବିପଦ ବନ୍ଯା ବିତ୍ପାତ 

ସଞ୍ଚି ରଖିଥିଲେ ସୁଖ ସମୟରେ

ବିତିଯାଏ ଝଡି କଷ୍ଟ ।