ଯନ୍ତ୍ରଣା -୨

ଏଠି ସମସ୍ତ କନ୍ଥରୁ ଝରୁଛି 

ବର୍ଷ ବର୍ଷ ଧରି ଜମିଥିବା 

ଫିନାଇଲ ଗନ୍ଧ ,

ସମସ୍ତଙ୍କ ମୁଁହଁରେ ଓହଳିଛି

ବେତାଳ ପରି ଅନେକ ଯନ୍ତ୍ରଣା ,

ଚିତ୍କାର ଆସେ ହୃଦୟ ଚିରି 

ସବୁଦିନ ଏଠି ଅନେକ ଶରୀର ହଜନ୍ତି

ଏବଂ ଅନେକ ଆତ୍ମା ହୁଅନ୍ତି ବାଟ ବଣା II 

ଏଠି ପୁଣି ନୂତନ ଆତ୍ମାର ଆଗମନ ହୁଏ 

ଅନେକ ମୁଁହରେ ହସର ଲହରୀ ନେଇ 

କିନ୍ତୁ କୌଣସି କାନ୍ଥରେ ଏଠି ,

ହସ କି ଖୁସି କିଛି ଜମେ ନାହିଁ 

ଅନେକ ପାଦ ଏଠି ଚଞ୍ଚଳ 

ବ୍ୟସ୍ତ ଆଉ ବିବ୍ରତ 

କ୍ଷୀପ୍ର ଗତିରେ ଧାବମାନ ସମେସ୍ତେ ଏଠି II