Library
Profile
ଜଳ ପ୍ରଳୟ
ଜଳ ପ୍ରଳୟ
ମୌସୁମୀ ବଳୟ ଆଜି ଆକାଶେ
ସଂସାରକୁ ଲାଗେ ସତରେ ଗ୍ରାସେ ।
କରୁଛି ବ୍ରହ୍ମାଣ୍ଡେ ମହା ପ୍ରଳୟ
ଜନ ସମାଜକୁ କରେ ଅଥୟ ।
ବାଦଲ ଫାଟୁଛି ଘଡିକି ଘଡି
ସଂସାରେ ଦେଉଛି ସବୁ ଉଜାଡି।
ଜଳ ପ୍ରଳୟରେ ଡୁବେ ସଂସାର
ଦିଶୁନାହିଁ ଆଉ ଘର ଦୁଆର ।
ଭୁଶୁଡି ପାହାଡ଼ ଉଜୁଡେ ଘର
ଭାସିଯାଏ ଆମ ସୁନା ସଂସାର ।
ଜଳ ପ୍ରହାରରେ ସବୁ ବିଛିନ୍ନ
ଭୂତଳେ ଜୀବନ ହୁଅଇ ଲୀନ ।
ଗାଆଁ ଗଣ୍ଡା ଆଜି ଶ୍ମଶାନ ଭୂଇଁ
କାନ୍ଦିବାକୁ ଘରେ କେହି ତ ନାହିଁ ।
ପ୍ରକୃତି ତାଣ୍ଡବ ମହା ପ୍ରଳୟ
ଥରୁଛି ବ୍ରହ୍ମାଣ୍ଡ ଲାଗଇ ଭୟ ।
ଲାଗେ ଜଳମୟ ହେବ ବ୍ରହ୍ମାଣ୍ଡ
ସ୍ଥଳ ଭାଗ ହୁଏ ଖଣ୍ଡ ବିଖଣ୍ଡ ।
ୱାଇନାଡ ଆଜି ତାର ଦୃଷ୍ଟାନ୍ତ
ଭରିଛି ହୃଦୟେ ଭାରି ଅଶାନ୍ତ ।
ହଜୁଛି ପ୍ରକୃତି ବରଷା ଖେଳେ
ସବୁ ଜଳମଗ୍ନ ତାହାର ବଳେ ।
ବରଷା ଆସିଲେ ଲାଗୁଛି ଡର
&n
bsp; ପ୍ରହାର ଉପରେ ଦିଏ ପ୍ରହାର ।
ବିରହ ବେଦନା ଦିଏ ବରଷା
ମନରେ ଭରିଛି କେତେ ନିରାଶା ।
ବରଷା କରୁଛି ଜଳ ପ୍ରଳୟ
ହେଉଛନ୍ତି ଏବେ ସର୍ବେ ବିଲୟ ।
ହଜୁଛି ବରଷା ପ୍ରେମ ବନ୍ଧନ
ହୋଇଛି ପାଖରୁ ସବୁ ବିଛିନ୍ନ ।
କାନ୍ଦୁଛି ଜଗତେ ଜୀବ ଜଗତ
ଦେଖୁନୁ ବରଷା ଜଗତେ ହିତ ।
ରଚୁନାହିଁ ଆଉ ପ୍ରେମ କାହାଣୀ
ପାରୁ ନାହିଁ କାହା ମନଙ୍କୁ କିଣି ।
ଦେଉଛି ସହସ୍ର ଜୀବନ ହାଣି
ବାଛ ବିଚାର ସେ ନ ପାରେ ଜାଣି ।
ଆବାଳ ବୃଦ୍ଧ ଓ ବନିତା ଆଣି
ଜଳ ସମାଧି ସେ ଦେଉଛି ପୁଣି ।
ଦେଖିଲେ ଲାଗୁଛି ଭାରି ଚକିତ
ଗାଉ ନାହିଁ କେହି ବରଷା ଗୀତ ।
ହଜିଲାଣି ଆଜି ଜନତା ଜ୍ଞାନ
ମାନୁ ନାହିଁ ଆଜି ଜ୍ଞାନ ବିଜ୍ଞାନ ।
ନେଉଥିବା ଯଦି ପ୍ରକୃତି ଯତ୍ନ
ଦେଉଥିବ ଆମେ ଅନେକ ରତ୍ନ ।
ହସିବ ସଂସାର ଘଡିକି ଘଡି
ପ୍ରକୃତି ରଖିବ ସବୁ ସଜାଡି ।
