ଲାଇବ୍ରେରୀ
ପ୍ରୋଫାଇଲ୍
ଅତୀତ
ଅତୀତ
1 min
146
ଅତୀତ ଯେବେ ଚେଇଁ ଉଠେ
ଅଝଟିଆ ଛୁଆ ପରି ରାତି ଅଧରେ
ଜିଦି ଧରି କାନ୍ଦି ଉଠେ
ବିତିଯାଇଥିବା ପୁରୁଣା କଥାକୁ
ମନେ ପକେଇ ।
ପୁଣି କେବେ ଅମାନିଆ ପଣରେ
ମାଗିଚାଲେ ଆସ୍ପର୍ଦ୍ଧା ହୋଇ
ସେ ତିକ୍ତ ମଧୁର ମୂହୁର୍ତ୍ତକୁ
ନିଜ ହାତରେ ସାଉଁଟିବା ପାଇଁ।
ବର୍ତ୍ତମାନ ବି ମା' ହୋଇ
ବୁଝାଇ ଗାଇ ଚାଲେ
ନାନା ବାୟା ଗୀତ
ଆଉ ଗୀତରେ ଥାଏ ମିଛ ପ୍ରତିଶୃତି
ଜହ୍ନ ତୋଳି ଆଣିବା ପାଇଁ।
ଅତୀତର ଅବୋଧତା ଆଗରେ
ତାକୁ ବୋଧ କରିବାର
ଇଏ ତ ଏକ ଉପାୟ ବୋଧେ।
