Library
Profile
ଅସ୍ତ ଅଟଳ ନୀରବ ଭାରତ
ଅସ୍ତ ଅଟଳ ନୀରବ ଭାରତ
ହେ ଜନ ନାୟକ ଶତ ପ୍ରଣିପାତ
ପାଦ ପଦ୍ମେ ଅଶ୍ରୁ ବିନ୍ଦୁ ;
କାନ୍ଦୁଚି ଜନନୀ କାନ୍ଦୁଚି ଏ ଭୂମି
ତୁମେ ଥିଲ ପ୍ରାଣ ସିନ୍ଧୁ !!
ସପନ ଆଖିର ଭାରତ ମାତାର
ତୁମେ ଥିଲ ନେତ୍ର ଜ୍ୟୋତି;
ଆହେ ବାଜପେୟୀ ତୁମେ କାଳଜୟୀ
ଅଲିଭା ରହିବ ସ୍ମୃତି !!
ସୁଯୋଗ୍ୟ ସନ୍ତାନ ତୁମେ ଧନ ମନ
କବିପ୍ରାଣ ହୃଦୟର ;
କୋଟି ଜନ ମନ ଶ୍ରଦ୍ଧାର ସୁମନ
ସ୍ମୃତି ପ୍ରୀତି ନିରାଧାର !!
ବିଶାଳ ହୃଦୟ ଜନମାନସର
କଵି ପୁଣି ରାଜନେତା ;
ସ୍ଵଚ୍ଛସାଶନର ଥିଲ ସୂତ୍ର ଧର
ସ୍ୱୟଂପୂର୍ଣ୍ଣ ଅଭିନେତା !
ଜୀବନ ସଂଘର୍ଷେ ଥିଲ ତ ଉକର୍ଷେ
ଇତିହାସ ମୁକ ସାକ୍ଷୀ ;
ଯୁବାବୟସରେ ଲଢିଲ ସରାଗେ
ପରାଧୀନ ଦୁଃଖ ଦେଖି !!
ହେ ମହାସଂଗ୍ରାମୀ ଅଟଳ ବିହାରୀ
ଆଜୀବନ ବ୍ରହ୍ମଚାରି ;
ଲୋଭ ମୟା ଜମା ନ ଥିଲା ହେ ବାବା
କିଏ ହବ ତଵ ସରି !!
ମୁଖେ ବଜ୍ରବାଣ ତେଜସ୍ୱୀ ଭାଷଣ
କଥାର କୁହୁକ ପେଡ଼ି ;
ଜନମନ ଜିଣି ନିଅ ମୋହି
କେମିତି ଗଲହେ ଛାଡ଼ି !!
ହେ ସେବାର ଦ୍ୟୋତକ ସ୍ୱୟଂସେବକ
ମାଆ ଭାରତୀର ପୁତ୍ର ;
ସର୍ବ ପ୍ରତିଭାର ତୁମେ
ନିଦର୍ଶନ
ଆଙ୍କି ଚାଲିଗଲ ଚିତ୍ର !!
ସଂସଦ ସୁପୁତ୍ର ଥିଲ ମହାମିତ୍ର
ବହୁବାର ନିର୍ବାଚିତ ;
ଆଶାର ପ୍ରଦୀପ ଦେଖିଲା ଭାରତ
ସାଜିଥିଲ ପ୍ରାଣ ମୀତ !!
ସ୍ୱପ୍ନ ବିଭୂଷିତ ସୁନାର ଭାରତ
ତୁମରି କଳ୍ପନା ସତ୍ୟ ;
କେତେ ପଥ ପ୍ରାନ୍ତ କରିଲ ସୁଗମ
ଝୁରିବାଟ ହେବ ନିତ୍ୟ !!
ମହାମନ୍ତ୍ରୀପଦ ସଂଘର୍ଷ ର ପାଦ
ରାଜନୀତି ପ୍ରତିପତି ;
ବହୁ ଅଭିଜ୍ଞତା ଥିଲ ମହାନେତା
ଆଜିବି ଜଳୁଛି ଜ୍ୟୋତି !!
ଦେଶ ମାତୃକାର ସୁରକ୍ଷା କବଚ
କରିଦେଲ ନାହିଁ ମାରା ;
କାର୍ଗିଲ୍ ସମର ବଳିଷ୍ଠ ପ୍ରମାଣ
ବାଜୁଛି ବିଜୟ ନାରା !!
ଭାରତ ରତନ ହେ ବ୍ରାହ୍ମଣ ସନ୍ତାନ
ରତ୍ନ ଉପହାର ଊଣା ;
ମରଣତ୍ତୋର ପାଇବ ସମ୍ମାନ
ଜନ ମନେ ସୁମରଣା !!
ଶେଷ ଶ୍ରଦ୍ଧାଞ୍ଜଳୀ କରୁଛି ଅର୍ପଣ
ହେ ବିଦାୟୀ ଜନ ନାୟକ;
ପୁଣି ଆଉଥରେ ଜନ୍ମିବ ଭାରତେ
ସିଦ୍ଧ ପୁତ୍ର ବିନାୟକ !!
ଦୂର ଆକଶରେ ରହିବନି ବେଶି
ଓହ୍ଲେଇ ଆସିବ ହସି ;
ହସିବ ଜନନୀ ଏମାଆ ଭାରତୀ
ଅଟଳ ସୁପୁତ୍ର ଦେଖି !!
ସଦାନନ୍ଦ ସାହୁ ;
ଧୁରୁସିଆ ; ଆଠଗଡ଼ ; କଟକ
