ଡେଣାକଟା ପ୍ରଜାପତି
ଡେଣାକଟା ପ୍ରଜାପତି
1 min
248
ଏରୁଣ୍ଡି ବନ୍ଦ ଡେଇଁ
ସବୁ ଚିହ୍ନା ମୁହଁକୁ
ପଛରେ ପକାଇ
ଆଜୀବନ ବନ୍ଦୀ
ବିବାହିତ ପଞ୍ଜୁରୀରେ
ସ୍ୱାଧୀନତାକୁ ବାଏ ବାଏ କରି।
ଏନିକି ସାଲିସ୍ ଓ ପାଲିସ
ତା ପାଇଁ ଅନିର୍ବାଯ୍ୟ
ବାଧ୍ୟ ସେ ଗ୍ରହଣ କରିବାକୁ
ତା ହାତ ପାପୁଲିରେ
ଢାଲି ଦେଇଥିବା ଭାଗ୍ୟ ଓ ଭବିଷ୍ୟ।
ପ୍ରତିବାଦ କରି ପାରିବନି
ପ୍ରଥା ପରମ୍ପରା
ଦୃଢ଼ ସମାଜିକତା
ଉଜାଡ଼ି ଦେଲା
ତା ସ୍ୱପ୍ନର
ପାଚିଲା କ୍ଷେତ।
ସେ କେବଳ
ନିଃଶବ୍ଦେ କାନ୍ଦୁଥିବା
ଦୁଃଖକୁ ଆଞ୍ଜୁଳା ଆଞ୍ଜୁଳା ପିଇବ
ଝୁରିବ ହଜେଇଥିବା
ଉଜୁଡା ଅଭିଳାଷାର ବଗିଚା
ତା କୁଆଁରୀ ଜୀବନର
ଚଗଲି ପବନକୁ।