Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

ଅଜୟ କୁମାର ବେହେରା

Inspirational

4  

ଅଜୟ କୁମାର ବେହେରା

Inspirational

*ଅସ୍ପୃଶ୍ୟତା*

*ଅସ୍ପୃଶ୍ୟତା*

1 min
113



ଜାତି ଧର୍ମ ପ୍ରଥା ସ୍ପୃଶ୍ୟ ଅସ୍ପୃଶ୍ୟତା

   ମାନବ ଭିଆଣ ନୀତି 

ଅସ୍ତ୍ରଶସ୍ତ୍ର ଶାସ୍ତ୍ର ସବୁ ଅସଫଳ

  ବିଫଳ ଧନ ସମ୍ପତ୍ତି ।୧।


ଛୁଆଁ ଓ ଅଛୁଆଁ ଅହଙ୍କାର ନିଆଁ

  ଉଚ୍ଚ ନୀଚ୍ଚ ଜାତିଭେଦ ।

ତଥାପି ମାନବ ମନରୁ ଯାଉନି

  କର୍ମରେ ଧର୍ମ ବିବାଦ ।୨।


ଅନ୍ୟାୟ ଅଧର୍ମ କୁକର୍ମରେ ମାତି

   ମଣିଷ ପଣିଆ ଭୁଲି ।

କୁସଂସ୍କାର ନୀତି ଜାବୁଡି ଧରନ୍ତି

  ଦେଖନ୍ତି ଅତୀତ ବୁଲି ।୩।


ଗର୍ବ ଅହଙ୍କାର ମନରେ ବିକାର

  ହୃଦୟେ ଭିତରେ ଭରି ।

ଜାତି ଧର୍ମ କିଡା ଅନ୍ତରେ ବଢୁଛି

 କୋରନା ପାରୁନି ମାରି ।୪।


ଘୃଣ୍ୟ ଜାତି ପ୍ରଥା ଭେଦଭାବ କଥା

  କୋରନା ଚେତେଇ ଦେଇ ।

 ଶିକ୍ଷା ଦେଉଅଛି ରାମ ହରିଜନ

  ଅସ୍ପୃଶ୍ୟ ନୁହନ୍ତି କେହି ।୫।


ବ୍ରାହ୍ମଣ କ୍ଷତ୍ରିୟ ବୈଶ୍ୟ ଶୁଦ୍ର ଜାତି

   ସାମନ୍ତବାଦର ଧାରା ।

ସ୍ପୃଶ୍ୟ ଅସ୍ପୃଶ୍ୟତା ଧନୀ ଦରିଦ୍ରତା

  ହୀନ ଆମ ଚିନ୍ତାଧାରା ।୬।


ହିନ୍ଦୁ ମୁସଲମାନ ଜୈନ ଖ୍ରୀଷ୍ଟିୟାନ

   ସମସ୍ତେ ମାନବ ଜାତି ।

ଜୀବଜଗତରେ ସବୁଠାରୁ ଶ୍ରେଷ୍ଠ

   ପାଇଛନ୍ତି ବାକ୍ ଶକ୍ତି ।୭।  

   

ଗୀତା ଭାଗବତ ଚତୁଃର୍ବେଦ ଶାସ୍ତ୍ର

  ବାଇବେଲ ଓ କୋରାନ ।

ମାନବର ସୃଷ୍ଟି ସାହିତ୍ୟ ଦର୍ପଣେ

    ଜ୍ଞାନର ପ୍ରତିଫଳନ ।୮।


କାହିଁ ଲେଖାନାହିଁ ଜାତି ଧର୍ମ ହିଂସା

   ରକ୍ତପାତର କାହାଣୀ ।

ପରଶ୍ରୀ କାତର କ୍ରୁର ନିର୍ଯାତନା

  ଅନୀତି ଅନ୍ୟାୟ ବାଣୀ ।୯।


ଅତୀତର ସେହି ମନଗଢା ନୀତି

   ପରସ୍ପର ପ୍ରତି ଘୃଣା ।

ରକ୍ଷଣଶୀଳତା କୁସଂସ୍କାର ପ୍ରଥା

  କରୁଅଛି ବାଟ ବଣା ।୧୦।


ଗରିବ ଉପରେ ଧନୀ ଅତ୍ୟାଚାର

   ଶୋଷଣ କଷଣ ପୀଡା ।

ଧନରତ୍ନ ଏବେ କାମ ଦେଉନାହିଁ

  ମଡା ହେଉନାହିଁ କଢ଼ା ।୧୧।


 ରାମ ହରିଜନ ସବୁ ଏକ ଜାତି

  ଅସ୍ପୃଶ୍ୟ ନୁହନ୍ତି କେହି ।

ମହାମାରୀ ହୋଇ କୋରନା କହୁଛି

  ଅବୁଝା ହେଉଛ କାହିଁ ।୧୨।


 ତଥାପି ମାନବ ବୁଝିପାରୁ ନାହିଁ

   ହୃଦୟେ ଭରୁଛି ବିଷ ।

ଆତ୍ମ ବଡୀମାକୁ ଦେଖାଇ ହେଉଛି

  ଅହଙ୍କାରେ ହୋଇ ବଶ ।୧୩।


କୋରନା ଚେତନା ବାର୍ତ୍ତା ଦେଉଅଛି

   ବିଶ୍ୱ ସାରା ବୁଲି ବୁଲି ।

ମାନବ ଧର୍ମ ହିଁ ଶ୍ରେଷ୍ଠ ଜଗତରେ

   ଯାଅନାହିଁ କେହି ଭୁଲି ।୧୪।


ଇର୍ଷା ହିଂସା ଦ୍ୱେଷ ଗର୍ବ ଅହଙ୍କାର

   ଜାତିଧର୍ମ ଭେଦଭାବ ।

ହୃଦୟ ଭିତରୁ ପୋଛି ଦେଇ ସର୍ବେ

   ପ୍ରେମକୁ କର ବୈଭବ ।୧୫।


ଶାନ୍ତି ମୈତ୍ରୀ ମନ୍ତ୍ର ଉଚ୍ଚାରଣ କରି

   ଖୁସିରେ ବଞ୍ଚିବା ଶିଖ ।

କାହା ଅଧିକାର ଛିନ୍ନ କର ନାହିଁ

 ଦେଇ ଯନ୍ତ୍ରଣା ଓ ଦୁଃଖ ।୧୬।



Rate this content
Log in

Similar oriya poem from Inspirational