ଅସହ୍ୟ ଯନ୍ତ୍ରଣା ଏଠି

ଫନିର ମାଡ଼ରେ

ଅସହ୍ୟ ଯନ୍ତ୍ରଣା ଏଠି,

ଆଖିରୁ ଝରୁଛି ତତଲା ଲୁହ

ତାତିରେ ସିଝୁଛି ଦେହ

ସଭିଏଁ ଅତିଷ୍ଠ

ମନରେ ଅନେକ କୋହ ।

ସାଏଁ ସାଏଁ ପବନରେ

ଛାଏଁ ଛାଏଁ ଉଡିଯାଇଛି

ଆକାଶର ପକ୍ଷୀ ପରି

ଚାଳ ଛପର ଓ ଆଜବେଷ୍ଟସ ଘର ।

ଦିନରେ ଡହ ଡହ ଗରମ

ରାତିରେ ଅନ୍ଧାରର ପ୍ରହାର

ଦିନ ଓ ରାତିରେ ଆବର୍ଜନା

ଗାଁ ରୁ ସହର ଚାରିଆଡ

ଖେଳାଉଛି ତାର ଜହର ।

ଆବର୍ଜନା, ଅନ୍ଧାର ଓ ତାତି

ମଧ୍ୟରେ ଚାଲିଛି ପ୍ରତିଦ୍ୱନ୍ଦ

କିଏ ରାଜୁତି କରିବ

ଫନି ପ୍ରଭାବିତ ଅଂଚଳ ।

ସାଗୁଆ ଶାଢ଼ୀ ପିନ୍ଧି

ଖଇ ଫୁଟା ତତଲା ଖରାରେ

କୃଷ୍ଣଚୂଡ଼ାର ନାଲି ଫୁଲରେ

ଖିଲି ଖିଲି ହସୁଥିବା

ଓଡିଶା ମୋ ଶ୍ରୀହୀନ

ଫନି କରିଛି ତାକୁ ଛାରଖାର।