ଅପାତ୍ରରେ ଦାନ

ଅପାତ୍ରରେ ଦାନ ବୃଥା ଅକାରଣ

ନିଷ୍ଫଳ ବିଫଳକାମ

ହିତ ବଦଳରେ ଅମଙ୍ଗଳକର 

ଅହିତ କରେ ସାଧନ ।

ବଢାଏ ସମସ୍ଯା ଗର୍ବ ଅହଙ୍କାର 

ଅପାତ୍ର ଦାନ ଦୁର୍ଯୋଗ

ଅନୁଚିତ ମାର୍ଗେ ହୁଅଇ ତାହାର

ଅବଶ୍ଯ ଦୂରୁପଯୋଗ ।

ଦୁର୍ଜନ ଅପାତ୍ର ହୁଏ ବଳବାନ 

କାଣ୍ଡ ଜ୍ଞାନ ବୁଦ୍ଧିହୀନ

ଦିଅଇ ଅନ୍ଯଙ୍କୁ ବହୁ ଦୁଃଖକଷ୍ଟ 

ହୁଏ ବିନାଶ କାରଣ ।

ଅପାତ୍ରର ଦାନ ଫଳ ବିଷମୟ

ବିସ୍ଫୋଟକ ଭୟାବହ

ବୃହତ୍ତର ସ୍ବାର୍ଥ ସମାଜ କଲ୍ୟାଣେ

ସୃଷ୍ଟି କରେ ଅନ୍ତରାୟ ।

ସୁଯୋଗ୍ଯ ଲୋକଙ୍କୁ ମିଳିଲେ ସୁଯୋଗ

ହୁଏ ଉନ୍ନତି ପ୍ରଗତି

ରହେ ସନ୍ତୁଳିତ ସମାଜେ ଜୀବନ

ଦୃଢ ରହେ ଦେଶ ସ୍ଥିତି ।