ରାତି ୧
ରାତି ୧
ରାତି ଏଠି ଯନ୍ତ୍ରଣାମୟ ,
ଗନ୍ଧମୟ , ଅନ୍ଧକାରମୟ ,
ରାତି ଏଠି ଆସେ କାହାର ଚିତ୍କାରରେ,
କାହାର ମୃତ୍ୟୁରେ
କାହାର ଲୁହରେ ପୁଣି କାହାର ଆର୍ତ୍ତନାଦରେ,
କେବଳ ଦରୁଆନଟାଏ ବୁଲୁଥାଏ
ଭୂତଟଏପରି ,
ଏବଂ କୁକୁରଟାଏ ଭୂକୁ ଥାଏ
ରାତିର ଗାଢ଼ ଅନ୍ଧାରକୁ ଚିରି।
ଗଛର ପତ୍ର ଜାଗାରେ ଓହଳି ଥାନ୍ତି
ଭୟ ଓ ଆଶାର ମିଶାମିଶି ମୁର୍ଦ୍ଦାର ମାନ,
ବୁଢିଆଣୀ ଜାଲରେ ଛନ୍ଦି ହୋଇଥାଏ
ଭୟାତୁର ଆଖିର କିରଣ
ନିଶା ଗରୁଜୁ ଥିବା ବେଳେ ସେଇ ଗଛରୁ
କାହା ପାଇଁ ଆସେ ମୃତ୍ୟୁ ପୁଣି
କାହା ପାଇଁ ଆସେ ଜୀବନ ।
କେବଳ ଅନ୍ଧାର ଭିତରେ
ଘୁରି ବୁଲେ ଭୟ ଚାରିଆଡ଼େ
କିଛି ଆଖି ଖୋଲା ରୁହେ ଅନ୍ୟ-
ଆଖିର ଆଶା ରେ ,
ଆଉ କିଛି ଆଖି ଖୋଲା ରୁହେ
ଅସହ୍ୟ ଯନ୍ତ୍ରଣା ରେ।