ଦୂରତା
ଦୂରତା
ସିଗାରେଟ୍ ଧୂଆଁରେ ମିଳେଇଯାଅ ତୁମେ
ମିଳେଇଯାଏ ତୁମର ସମସ୍ତ
ସ୍ମୃତି ତୁମର ଅସ୍ତିତ୍ୱ ଏବଂ ତୁମର
ସମସ୍ତ ସାମଗ୍ରୀ ଯହା ଦେଇଥିଲ
ମୋ ଅଗୋଚରରେ
ତୁମ ପରେ
ସିଗାରେଟ୍ ଧୂଆଁ ବି ମିଳେଇଯାଏ
ମୁଁ ଦେଖି ପାରୁନଥିବା ମୋ ଶୂନ୍ୟତାରେ।।
ଗଛର ପତ୍ର ଝଡେ ଏବଂ ପତ୍ର କଁଅଳେ
ବାର୍ଦ୍ଧକ୍ୟ ପରେ ପୁଣି ଫେରେ ଯୌବନ
ଚାହୁଁନଥିବା ସତ୍ତ୍ୱେ ବି
ମୃତ୍ୟୁ ଆସେ ଗୁଣ୍ଠୁଣି ହାତୀର ପିଠିରେ
ଏବଂ ଜନ୍ମ ଯୌବନ ଜୀବନ ବି
ମିଳେଇଯାଏ ମୁଁ ଦେଖି ପାରୁନଥିବା ଶୂନ୍ୟତାରେ।।
ତୁମ ହସ ଶୁଭେ ମୋତେ
ପତ୍ରର ଗହଳି ଭିତରୁ
ଯେଉଁଠି ସିଗାରେଟର ଧୂଆଁ
ପଶି ନପାରି ଫେରିଆସେ
ଦୀର୍ଘ ଏକ ନିରାଶାରୁ।।
ତୁମେ ଯେତେ ଦୂର ଯିବ
ସୀମାହୀନ ଦରିଆର ସେପାରିକୁ
ମୁଁ ଅନ୍ତତଃ ପକ୍ଷେ ଦୀର୍ଘଶ୍ୱାସଟେ ମାରିବି
ହଜେଇ ଥିବା ଆଶାରେ ତୁମର ଉପସ୍ଥିତିକୁ।।