ବିଶ୍ଵାସର ହତ୍ୟା
ବିଶ୍ଵାସର ହତ୍ୟା
ତୁମେ ଆଜି ନେଇପାର ମୋ ଜୀବନ
ଯେହେତୁ ସମୟର ଶେଷ ପାହାଚରେ
ଅସ୍ତ୍ରତ୍ୟାଗ କରିଥିଲି ତୁମ ଭରସାରେ,
ତୁମେ ଆଜି ନେଇ ପାର ମୋ ଜୀବନ
ଯେହେତୁ ତୁମକୁ ମୁଁ ଜୀବନ୍ୟାସ ଦେଇଥିଲି
ତୁମ ପିଣ୍ଡରେ ଶ୍ଵାସ ଭରିଥିଲି,
ଏବଂ ତୁମ ଶିରା ପ୍ରଶିରାରେ ରକ୍ତର
ପ୍ରବାହ ସୃଷ୍ଟି କରିଥିଲି ଏକ ଅଦମ୍ୟ ଉତ୍ସାହରେ
ଏଥିରେ ତୁମର କିଛି ଦୋଷ ନାହିଁ
ଦୋଷ ଥିଲା ମୋ ଅସୀମ ଆଶା
ଓ ଆକାଂକ୍ଷାର ଲାଳସାର
ଏଥିରେ ତୁମର କିଛି ଦୋଷ ନାହିଁ
ତୁମେ ତ କେବଳ ଗୋଟେ ହତ୍ୟାକାରୀ
ସାଜିଲ ପରର ଆଦେଶରେ,
ଏବଂ ହତ୍ୟା କଲ ଦୁଇଟି ନୀରିହ ଆତ୍ମାର
ଜୀବନ ବ୍ୟାପି ସ୍ନେହ ମମତାର
ଯାହାର ମୂଲ୍ୟ କିଛି ନଥିଲା ତୁମ ପାଖରେ।