ଅଦିନିଆ ବର୍ଷା
ଅଦିନିଆ ବର୍ଷା
ଫନି ବୁଲବୁଲ ତିତିଲି ଆମ୍ଫାନ
ୟାସ ପରେ ଜୱ।ଦ
ଅଦିନିଆ ବର୍ଷା କାଳ ମହାବାତ୍ୟା
କରିଦେଲା ବରବାଦ ।
ପାଣିପାଗ ସୂତ୍ର ସତର୍କ ସୂଚନା
ଯଦିବା ଆଗରୁ କୁହେ
କଷ୍ଟକର କିନ୍ତୁ କାର୍ଯ୍ୟେ ପରିଣତ
କରିବା ସମ୍ଭବ ନୁହେଁ ।
ପାଚିଲା ଧାନକୁ କାଟିବ ଖେତରୁ
ଅମଳ ଲାଗେ ସମୟ
ଏହି ବେଳେ ଯଦି ବରଷେ ଅଦିନେ
ଫସଲ କ୍ଷୟଟି ଥୟ ।
ଜୱ।ଦ ଜହ୍ଲାଦ ସାଜିଲା ରାଜ୍ୟରେ
ଅଦିନିଆ ବର୍ଷା ପାଣି
ଧ୍ୱଂସ କରିଦେଲା ଆଶା ଓ ଭରସା
ଧାନଖେତ ଗଲା ବୁଡି ।
ଫଳିଥିଲା ସୁନା ଏଥର ମାଟିରେ
ଚାଷୀ ହେଉଥିଲା ଖୁସି
ବଇରୀ ହୋଇଲା ଦଇବ ବିଟାତା
କାନ୍ଦୁଅଛି ଦୁଖେ ବସି ।
କିଣିଥିଲା ସାର କରଜ କରି ସେ
ମୂଲିଆ ମଜୁରୀ ଗଣି
ଏବେ ସର୍ବସ୍ୱ।ନ୍ତ ଦିଶେ ନାହିଁ ବୁଦ୍ଧି
କେଉଁଠୁ ସୁଝିବ ଆଣି ।
ପିଲାଛୁଆ ତାର ଖାଇବେ କଅଣ
ଚଳିବ କିପରି ଘର
ବସିଛି ଦୁଖରେ ମୁଣ୍ଡେ ଦେଇ ହାତ
ଠାକୁରେ ଉଦ୍ଧାର କର ।