ମୃତ୍ୟୁ
ମୃତ୍ୟୁ
ମୃତ୍ୟ କଳା ବନ୍ଦ ଭୟାନକ ବାକ୍ସ
ଫିଟାଏ ସତ୍ୟ ଗୁମର
ସଚେତନ କରେ ମୃତ୍ୟୁ ଅପମୃତ୍ୟୁ
ଯାତ୍ରା ଚାଲେ ଜୀବନର ।
ସତ୍ୟ ହିଁ ଆଲୋକ ପୁଣ୍ୟ ଲକ୍ଷ୍ୟପଥ
ଜୀବନ ଏକ ସ°ଗ୍ରାମ
ଚାଲୁଛି ଚାଲିବ ଯୁଦ୍ଧ ଅବିରତ
ଜିଣିଛି ଜିଣିବ ଜୀବନ ।
ଅସ୍ତିତ୍ୱ ବିହୀନ ମୃତ୍ୟୁ କାଳଯମ
ଆସେ ଲୁଚି ପାଦଚିପି
କରେ ଶତଚେଷ୍ଟା ଫନ୍ଦି କଉଶଳ
ନ ପାରେ ଜନମ ବାନ୍ଧି ।
ଭୀରୁ କାପୁରୁଷ ମୃତ୍ୟୁ ଅର୍ବାଚୀନ
ଜୀବନ ସ୍ୱପରାକ୍ରମ
ନୁହେଁ ଭୟାତୁର ପୁରୁଷ ଜୀବନ
ତେଜୋଦୀପ୍ତ ସିଂହ ସମ ।
ଜୀବନ କରମ ଜୀବନ ଧରମ
ଜୀବନ ବିଜୟ ନାମ
ଜୀବନ ସାର୍ଥକ ଅମୃତ ଆନନ୍ଦେ
ଝରେ ସୁଧା ସ୍ନେହପ୍ରେମ ।