ଅନୁତାପ
ଅନୁତାପ
ମୁଁ ଆଜି ଜଳୁଛି ବିରହ ଜ୍ବାଳାରେ
ଜଳି ଜଳି ହୁଏ ଶେଷ
ଭଲ ପାଇଥିଲି ଜୀବନ ଦେଇ ମୁଁ
ହାରିଛି ଆଜି ବିଶ୍ଵାସ ll 1
ଟୋପାଏ ସିନ୍ଦୂର ମାଗିଥିଲି ବୋଲି
ମୁହଁକୁ ବୁଲାଇ ନେଲ
ଭଲପାଇବାର ବିଶ୍ବାସରେ ତମେ
ବିଷ ମଞ୍ଜି ଭରିଦେଲ ll 2
ତନୁମନ ମୋର ସମର୍ପି ତମକୁ
ହୃଦେ ପୂଜୁଥିଲି ନିତି
ଭଲପାଇବାର ମନ ମନ୍ଦିରରେ
ଜଳାଇ ପ୍ରେମର ବତୀ ll 3
ମୋ ଆଶା ଭରସା ଧୂଳି ହୋଇଗଲା
ଯେବେ ତମେ ଗଲ ଭୁଲି
ମୁଁ ଆଜି ମୋ ନିଜ ଶବକୁ କାନ୍ଧେଇ
ମଶାଣିକୁ ଯାଏ ଚାଲି ll 4
ଓଠରେ ଚେନାଏ ହସ ବଦଳରେ
ଆଖିରେ ଭରିଲ ଲୁହ
ଅନୁତାପ ବହ୍ନି ଜଳାଇ ମାରୁଛି
ମନେ ଭରି ତାତି କୋହ ll 5