ଅନୁତାପ

ଭଲପାଇ ତୋତେ ଭୁଲ କରିବାର

କରୁଛି ମୁଁ ଅନୁତାପ

ପ୍ରେମ କରି ବୋଧେ ପାପ କରିଥିଲି

ଦେଲୁ ମୋତେ ଅଭିଶାପ ।

ଜଳୁଛି ଆଜି ମୁ ବିରହ ନିଆଁରେ

ସ୍ମୃତି ବିଛଣାରେ ଶୋଇ

ଭଲପାଇବାର ମୂଲ୍ୟବୋଧ ପ୍ରିୟା

ଦେଇଛୁ ମୋତେ ବୁଝେଇ ।

ବୁଝି ପାରିଲିନି ଛଳନା ତୋହର

ରୂପରେ ଗଲି ମୁଁ ଭାଳି

ରୂପ ସିନା ତୋର ଚହଟ ଚିକ୍କଣ

ମନଟି ମାୟା ନଗରୀ ।

ହସି ହସି ଯେବେ କହିଦେଲୁ ମୋତେ

ତୋତେ ଭୁଲିଯିବା ପାଇଁ

ବୁଝିଗଲି ମୁହିଁ ପ୍ରେମକୁ ତୋହର

ଅବୁଝା ରହିଲା ନାହିଁ ।

ଜାଣିଗଲି ମୁହିଁ ଚେହେରା ଦେଖିକି

ପ୍ରେମେ ପଡେ ଯିଏ ଥରେ

ସେହି ପ୍ରେମ ତାକୁ ନିଜ ଅଜଣାତେ

ସବୁଦିନ ପାଇଁ ମାରେ ।

ଯାହା ଜୀବନରେ ଆସି ପହଞ୍ଚିବ

ଏମିତି ପ୍ରେମର ଗପ

ଭଲପାଇବାର ଭୁଲ କରି ସିଏ

କରୁଥିବ ଅନୁତାପ ।