ଅନୁରୋଧ

ରଖିଥିବୁ ମୋତେ

ସ୍ମୃତି ଫରୁଆରେ

ହୃଦୟେ ନହେଲେ ନାହିଁ

ଏକାନ୍ତରେ ଯେବେ

ଖୋଜିବୁ ତୁ ମୋତେ

କବରୁ ଉଠିବି ଚେଇଁ ।

ମନ ଯଦି ଖୋଜେ

ମୋ ଠିକଣା କେବେ

ହୃଦୟକୁ ପଚାରିବୁ

ଜହ୍ନ ଦେହେ ଲେଖା

ତୋ ସାଥେ ସମ୍ପର୍କ

ଖୋଜି ମୋତେ ପାଇଯିବୁ ।

ହଜିବିନି କେବେ

ଖୋଜିବୁ ଯଦି ତୁ

ଆଖି ପଲକରେ ଥିବି

ରାତି ଆସିଗଲେ

ମଧୁର ପରଶେ

ସ୍ବପ୍ନ ଟିଏ ସାଜିଯିବି ।

ଢାଳିବୁନି ଲୁହ

ମୋ ପାଇଁ କେବେ ତୁ

ଲୁହ ସାଥେ ଯିବି ଝରି

ପବନରେ ଥିବି

ତୋତେ ଛୁଇଁଜିବି

ଅନ୍ତରଙ୍ଗ ଭାବ ଭାରି ।

ଦେହ ସିନା ମରେ

ଜୁଇରେ ଚଢିଲେ

ଆତ୍ମା ଅମର ସର୍ବଦା

ଦେହ ସିନା ଭିନ୍ନ

ହୃଦୟ ସ୍ପନ୍ଦନ

କାହ୍ନୁ ବିନା ରାଇ ଅଧା ।