STORYMIRROR

Bharatabandhu Biswal

Inspirational

4  

Bharatabandhu Biswal

Inspirational

ଅଣସର

ଅଣସର

1 min
223



ଅଣସରେ ଏବେ ଜଗତ ଠାକୁର

  ନାହିଁ ଗହଳ ଚହଳ

ଅପଲକ ତାର ବଡ଼ ଚକା ଆଖି

  ସ୍ଥିର ନିରବ ନିଶ୍ଚଳ ।


ଠାକୁର ହେଲେବି ମଣିଷ ପରାଏ

  ଅପୂର୍ବ ତାଙ୍କର ଲୀଳା

କ୍ଲାନ୍ତି ଅବସାଦ ଜ୍ୱର ତାପ କଷ୍ଟେ

 ଶ୍ରୀ ଅଙ୍ଗ ଉତ୍ସାହ କ୍ଷୀଣା।


ସଂସାର ସୃଷ୍ଟି ପାଳନ ପୋଷଣ

 ଅତି ଦୂରୁହ ବିଷମ

ପୁନର୍ବାର ଶକ୍ତି ଅରଜନ ପାଇଁ

  ଲୋଡା ତାଙ୍କର ବିଶ୍ରାମ ।


ଆତ୍ମଗ୍ଲାନି ଯୋଗୁଁ ମଣିଷ ମାତ୍ରକେ

 ହୋଇଯାଏ ଉତ୍ତେଜିତ

ବିଚଳିତ ହୋଇ ଅନୁଚିତ କାର୍ଯ୍ୟ

 କରି ହୁଅଇ ଦୁଃଖିତ ।


ଧୃଷ୍ଟତା ଅଟଇ ପର ଆଲୋଚନା

 ବନ୍ଧୁ ର ବିଶ୍ୱାସ ଘାତ

ଅପରର କ୍ଷତି ଥଟ୍ଟା ପରିହାସ

 କେବଳ ନିହିତ ସ୍ୱ।ର୍ଥ ।

r>

ଆମ ଛୁଟିଦିନ ଅବସର ବେଳା

 ଅଟେ ବଡ଼ ମୂଲ୍ୟବାନ

ଉତ୍ତମ ଭାବରେ କଲେ ବିନିଯୋଗ

 କଠିନ ହୁଏ ସୁଗମ ।


ପରିଶ୍ରମ ପରେ ଉଚିତ ବିଶ୍ରାମ

 ପ୍ରାଣ କରେ ଉଲ୍ଲସିତ

ନୂତନ ଆଗ୍ରହ ଉତ୍ସାହ ନିବେଶି

 ଧୀର ସ୍ଥିର ହୁଏ ଚିତ୍ତ ।


ଉତ୍ତମ ପ୍ରଚେଷ୍ଟା ଫଳରେ ମିଳଇ

 କର୍ମ ଫଳ ସମୁଚିତ

ବିଦ୍ୟା ଧନ ଯଶ ପ୍ରାପତ ହୁଅଇ

 ସୁନାମ ମିଳେ ନିଶ୍ଚିତ ।


ସଠିକ ସତ୍କର୍ମ ଗ୍ରହଣିୟ ଯାହା

 ହୃଦୟ ମନ ବିବେକେ

ଅନ୍ୟର କଥାକୁ ଖାତର ନକରି

 ହେଳେ ସମ୍ପାତ ନିର୍ଭୀକେ ।


ଶ୍ରୀ ଜଗନ୍ନାଥ ଜଗତ ବନ୍ଦିତ

 ଦାରୁଭୂତ ମହାଗୁରୁ

ଶ୍ରୀ ପୁରୁଷୋତ୍ତମ ମହା ପୂଣ୍ୟ ପୀଠ

 ମୁକ୍ତି ମୋକ୍ଷ ତା ଦୟାରୁ ।

..........




Rate this content
Log in

Similar oriya poem from Inspirational