ଅନ୍ଧକାର
ଅନ୍ଧକାର
ଅନ୍ଧକାର ଏବେ ନିଜର ହୋଇଛି ଯାତନାକୁ ସାଥୀ କରି-
ବେଦନାକୁ କାନ୍ଧେ ବୋହି ବୁଲୁଛି,
ଯେତିକି ପାଇଲି ମୁହିଁ ଆଉ କିଛି ଲୋଡ଼ାନାହିଁ-
ସବୁ ଦୋଷ ମୋର ମାନି ନେଉଛି | (ଘୋଷା)
ସ୍ମୃତି ବୋଲି ଆଉକିଛି ରଖିବିନି ଜୀବନେ,
ଆଜିଠାରୁ ଆଉ ତୁମେ ଆସିବନି ସ୍ୱପନେ |
ଛାଡ଼ିବାକୁ ହେବ ମୋର ଯାହା ଥିଲା ଅତୀତରେ-
ଭୁଲିବାକୁ ହେବ ଯାହା ରହିଛି ।
ବେଦନାକୁ କାନ୍ଧେ ବୋହି ବୁଲୁଛି | (1)
ମରୁଝର ଦେଖି କେହି ଜଳ ବୋଲି କହିଦେବ,
ନିରାଶା ମରୁରେ ମୋତେ ଏକା ବଞ୍ଚିବାକୁ ହେବ |
ତୁମରି ଶୁଭ ମାନସୀ ନିଜ ଭାଗ୍ୟକୁ ଆଉଁସି -
ତୁମଠୁଁ ବିଦାୟ ନେଇ ଯାଉଛି |
ବେଦନାକୁ କାନ୍ଧେ ବୋହି ବୁଲୁଛି |(2)