ଅନ୍ଧବିଶ୍ୱାସରୁ ମୁକ୍ତି

ମୋର ସୁନ୍ଦର ଧରଣୀର ବୁକେ ଆଜି ଜଳୁଅଛି ନିଆଁ,

ସତ୍ୟ ଶାନ୍ତି ପଥେ ଚଳିବା ଆଜି ଦୁର୍ବିସହ ହୁଏ କିଆଁ |୧|

ମଣିଷ ନୁହେଁ ତ ପଶୁ, ତା ଦେହରେ ଅଛି ଦିବ୍ୟଜ୍ଞାନ

ଦିବ୍ୟ ଜ୍ୟୋତି ଥାଇ ପ୍ରେମରେ ଜୀଇଁବା ମହତ ଜ୍ଞାନ |୨|

ମନୁଷ୍ୟ ମାତ୍ରେ ତାର ମହତ୍ତ୍ୱ, ସେ ଜ୍ଞାନ ବିବେକ ପୂର୍ଣ୍ନ

ଅପରିହାର୍ଯ୍ୟ ଅଟଇ ତାହାର ମନକୁ ଆସିବା ପ୍ରଶ୍ନ |୩|

ଯଦି କେବେ ପ୍ରଶ୍ନ ନପଚାରିବା, ଅବା ଯୁକ୍ତି ନକରିବା

ଅନ୍ଧାରେ ଘୁରି ନିଜ ବିଶ୍ୱାସକୁ ଧରି ଅନ୍ଧ ହୋଇ ରହିବା |୪|

ସେହି କାରଣେ ପ୍ରତ୍ୟେକ ବ୍ୟକ୍ତି, ପରିବାର ଓ ସମାଜର 

ପ୍ରଶ୍ନ କରିବା, ମନ ମଧ୍ୟେ ପରୀକ୍ଷା କରିବା ତ ଅଧିକାର |୫|

ତାହା ଦ୍ୱାରା ସରବ ଉନ୍ନତି ହୁଏ, ସେତ ଅଟେ ଜ୍ଞାନ ବିଜ୍ଞାନ

ପ୍ରଶ୍ନ, ତର୍କ ବିତର୍କ ଅଭାବ ମନ ହିଁ ଅନ୍ଧ ବିଶ୍ୱାସ ଜାଣ |୬|

ଅନ୍ଧ ଭାବରେ ମାନୁଥିବା, ଅଶିକ୍ଷା, କୁଶିକ୍ଷା, ଓ ଅଜ୍ଞତା

ରୋଗ, ଦୁଃଖ ଓ ଅଶାନ୍ତି ସୃଷ୍ଟି କରେ ମନର ଅନ୍ଧତା |୭|

ଯାହା ସବୁ କଥା ମଧ୍ୟ ସାର୍ବଜନୀନ ଗ୍ରହଣୀୟ ନୁହେଁ

ଅନ୍ଧ ବିଶ୍ୱାସେ ବିନା ପରୀକ୍ଷା ନିରୀକ୍ଷାରେ ଚାଲିଥାଏ |୮|

ଯଞ୍ଜ, ଜନ୍ତାଳ, ବେଙ୍ଗ ବିବାହ, ଅବା ଷଣ୍ଢ ସୁଧି ଦ୍ବାରା 

ବର୍ଷା ହୁଏ ନାହିଁ କିନ୍ତୁ ମାନି ଚାଲିଛେ ଅନ୍ଧଭାବ ଦ୍ୱାରା |୯|

ପୂର୍ବରୁ କହୁଣ ଥିଲେ ଭଗବାନ, ଜଣେ ମଣିଷକୁ

କପଟୀ ଜାଣିଲେ, ବେଇମାନ କହୁନେ କି ତାକୁ |୧୦|

ଡେଉଁରିଆ ବାନ୍ଧିବା, ଗୋଡ଼ରେ କଳାଫିତା ବାନ୍ଧିବା

ଅନ୍ଧତାରେ ସମାଜ ନିମ୍ନଗାମୀ ହୁଏ ଏକଥା ବୁଝିବା |୧୧|

ଚାକିରୀ, ବାହାଘର, ଓ ଶୁଭ ଅଶୁଭ ବିଷୟରେ

ଅନ୍ଧ ବିଶ୍ୱାସରୁ କିଛି ଲାଭ ଜନକ ବ୍ୟବସାୟରେ |୧୨

ଧର୍ମାନ୍ଧତାରୁ ନିଃସହାୟତା ଅନ୍ଧବିଶ୍ୱାସର ଲକ୍ଷଣ

ସୃଷ୍ଠି କରିବା ତା ବିରୁଦ୍ଧ ବ୍ୟାପକ ଜନଜାଗରଣ |୧୩|

ଶୋଷଣ କଷଣ ଲୁଣ୍ଠନ ଭଗବାନଙ୍କ ଦ୍ବାରା ଘଟୁଛି 

ଏ ମାନସିକତା ଲୋକଙ୍କ ଭିତରେ ଏବେ ବି ଅଛି |୧୪|

ମହୁ ପାଦରୁ, ହାତରୁ ବିଭୂତି, ସିମେଣ୍ଟ ଗାଈଠାରୁ ଖିର

କେତେ ମଣିଷ ଆମେ ଦେଖିଛେ କରୁଥିଲେ ପ୍ରଚାର |୧୫|

ସେପରି ଆତ୍ମ ଘୋଷିତ ଭଗବାନ ଜେଲରେ ଅଛନ୍ତି 

ହେଲେ ବି ଅନ୍ଧ ବିଶ୍ୱାସରେ କିଛି ସ୍ମରଣ କରୁଛନ୍ତି |୧୬|

ସର୍ବସ୍ବ ଧ୍ବଂସ ହେଇଛି, ଧାଇଁ ଏ ଅନ୍ଧ ବିଶ୍ୱାସ ପଛର

ତଥାପି ଚେତା ଫେରିନି ଅନ୍ଧ ବିଶ୍ୱାସୀ ମାନଙ୍କର |୧୭|

ଆମ ସମାଜରେ ଅନ୍ଧବିଶ୍ୱାସର ରହିଛି ବହୁ ପ୍ରତିବିମ୍ବ

ଏଥିରୁ ମୁକ୍ତି ହେଲେ ଯାଇ ଏ ଦେଶର ବିକାଶ ସମ୍ଭବ |୧୮|