Library
ଅନ୍ଧାରି ମୋହ
ଅନ୍ଧାରି ମୋହ
1 min
44
ରାତିର କୋଳରେ ଅନ୍ଧାରି ମୋହରେ
ଭାବନା ଆଉଁସି ଦିଏ
ରାତି ସରିଯାଏ ମୋହ ଭାଙ୍ଗିଯାଏ
ଭାବନା ଦୂରେଇ ଯାଏ।
ରାତିର କୋଳରେ ଅନ୍ଧାରି ମୋହରେ
ସପନ ସବାରି ଆସେ
ରାତି ସରିଯାଏ ମୋହ ଭାଙ୍ଗିଯାଏ
ସବାରି ସପନେ ମିଶେ।
ରାତିର କୋଳରେ ଅନ୍ଧାରି ମୋହରେ
କବି ଯେବେ ବୁଡ଼ି ଯାଏ
ରାତି ସରିଯାଏ ମୋହ ଭାଙ୍ଗିଯାଏ
କବି ଆନମନା ହୁଏ।
ରାତିର କୋଳରେ ଅନ୍ଧାର ମୋହରେ
ଜହ୍ନ ବି ଫୁଲେଇ ହୁଏ
ରାତି ସରିଯାଏ ମୋହ ଭାଙ୍ଗିଯାଏ
ଜହ୍ନ ଅପସରି ଯାଏ।
