Library
Profile
ଅନ୍ଧାର ଚକ୍ରବାଳ
ଅନ୍ଧାର ଚକ୍ରବାଳ
ଯାହାକୁ ମୁଁ ଭଲ ପାଏ
ତା ଠାରୁ ଜାଣି ଜାଣି ଦୂରେଇ ଯାଇଥାଏ
ଯାହାକୁ ମୁଁ ବହୁତ ଭଲ ପାଏ
ତା ଠାରୁ କୋଶ କୋଶ ଦୂର ଜାଣି ଶୁଣି ଦୌଡି ପଳାଏ
ଆଉ ଯାହାକୁ ମୁଁ ସବୁଠାରୁ ବେଶି ଭଲପାଏ
ତା ଠାରୁ ଯୋଜନ ଯୋଜନ ଦୂର ଉଭାନ ହେଇଯାଏ
ଆଉ ଯାହାକୁ ମୁଁ ହୃଦୟ ସିଂହାସନରେ ବସେଇ ଥାଏ
ତା ଠାରୁ ଆଖି ଦୂରେଇ ଘୁରେଇ ବୁଲେଇ ନିଏ
ଜାଣି ପାରେନା ଏମିତି କାହିଁକି ହୁଏ
କଳି ପାରେନା ଏମିତି କେମିତି ହୁଏ
କହି ପାରେନା ଏମିତି ଅବାନ୍ତର ମୋତେ କିଏ କରାଏ
ନିଜେ କାହିଁକି ପଛଘୁଞ୍ଚା ଦିଏ
ନିଜେ କାହିଁକି ବଢ଼େଇ ଥିବା ପାଦ ବୁଲାଏ ପଛାଏ
ନିଜେ କାହିଁକି ନରମି ଯାଏ ସରମି ଯାଏ
ନିଜେ କାହିଁକି ପଛେଇ ଯାଏ ପତଳା ଗଳି ବାଟ ଦେଇ ଗଳି ପଳାଏ
ଲୋକେ କହିବେ କଣ
?
ସେହି ଡରରେ ବୋଧେ
ଲୋକେ ଭାବିବେ କଣ ?
ସେହି ଧାସରେ ବୋଧେ
ଦୁନିଆ ଡରେଇବ ବି ଘଉଡେଇବ ବି
ତୁଣ୍ଡ ବାଇଦ ତଡିବ ବି ତାଣ୍ଡିବ ବି
ଆଉ ସେହି ବଦନାମର ଭୟରେ ବୋଧେ
ଆଉ ସେହି ଲୋକଲଜ୍ୟାର ଦଂଶନରେ ବାଧେ
ପ୍ରେମ ପଥରୁ ବିଚ୍ୟୁତ ହେବାକୁ ବାଧ୍ୟ ହୁଏ
ବିଚରା ପ୍ରେମ କାତର ଭୟାତୁର
ପ୍ରେମ ପଥ ପରା ଖସଡ଼ା ଅମଡ଼ା
ଜାଣିଛି ଜଗତ
ଗୋଡ଼ ଖସଡିବ
ପାଦ ଆଞ୍ଜୁଡିବ
ଆଖି ଜଳି ଉଠିବ
ମୁଁହ ଡ଼ବଡ଼ବ ହେବ
ସେ ସବୁ ଝଡ଼ ଝଞ୍ଜାର ସାମ୍ନା କରିଲେ
ହେବ ପ୍ରେମିକ
ହେବ ପ୍ରବର ପ୍ରଚଣ୍ଡ ପ୍ରେମିକ
ହେବ ଜବରଦସ୍ତ ପ୍ରେମିକ
ଆଉ ଦେଲେ ପଛଘୁଞା ପ୍ରବଳ
ସଫଳ ସୋପାନ ହେବ ବିଫଳ
ବିଫଳତା ପାଦ ଚୁମିବ ଅନ୍ଧାର ଚକ୍ରବାଳ
