ଅନାବନା ପ୍ରଶ୍ନ

ଆଖି ପୋଖରୀ ନୁହଁ ପୁଣି ପୁରିଯାଏ

ହୃଦୟ କାଚ ନୁହଁ ପୁଣି ଭାଙ୍ଗିଯାଏ

ମଣିଷ ଋତୁ ନୁହଁ ପୁଣି ବଦଳିଯାଏ

ତୁଣ୍ଡ କମାଣ ନୁହଁ ପୁଣି ଛାତିଫଟାଏ

ମୁଣ୍ଡ ଟିଣ ନୁହଁ ପୁଣି ଅବୁଝା କରାଏ

ଦଣ୍ଡ ନାଚ ନୁହଁ ପୁଣି ରାତି ଜଗାଏ

ଜନ୍ମ ପ୍ରାରମ୍ଭ ନୁହଁ ପୁଣି ଡଙ୍କେଇଥାଏ

ମୃତ୍ୟୁ ଶେଷ ନୁହଁ ପୁଣି କନ୍ଦେଇଯାଏ

ସ୍ମୃତି ସନ୍ତକ ନୁହଁ ପୁଣି ମନେପକାଏ

କୈଶୁର ପାଣ୍ଡୁର ନୁହଁ ପୁଣି ଡେଣାମେଲାଏ

ଯୌବନ ବସନ୍ତ ନୁହଁ ପୁଣି ପ୍ରୀତିଗୁନ୍ଥାଏ

ବୟସ ପୋଷାକ ନୁହଁ ପୁଣି ଦେହଢଙ୍କାଏ

ଭୋକ ଆହାର ନୁହଁ ପୁଣି ଇଚ୍ଛା ଜନ୍ମାଏ

ବସ୍ତ୍ର ମଲାଟ ନୁହଁ ପୁଣି ଲଜ୍ୟା ଲୁଚାଏ

ରକ୍ତ ଗରମ ନୁହଁ ପୁଣି ଫୁଟି ର ଗାଏ

ଘର ସଂସାର ନୁହଁ ପୁଣି ଆଶ୍ରୟ ଦିଏ

ରାସ୍ତା ଠିକଣା ନୁହଁ ପୁଣି ସଂଯୋଗ କହେ

କ୍ଷେତ ଫସଲ ନୁହଁ ପୁଣି ଭରଣା ଯୋଗାଏ

ମାତ୍ର କାହିଁକି କାହିଁକି ?

ମନରେ ଏମିତିକା ଅନାବନା ପ୍ରଶ୍ନ ମାଳମାଳ

ଅଡୁଆ ସୁତାରେ ଗୁନ୍ଥିବାକୁ ଉତ୍ତର ଅସମ୍ଭାଳ