Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pranati Jena

Abstract Others

4.4  

Pranati Jena

Abstract Others

ଅମୃତାୟନ

ଅମୃତାୟନ

1 min
148


ମନ ପବନ ରେ ଦୋଳି ଖେଳୁଥାଏ

  ପ୍ରକୃତିର ପରାଭବେ,

ମଣିଷ ଭାବନା ସୀମା ଲଂଘୁଥାଏ

   ବେଗ ପ୍ରଖର ସ୍ଵଭାବେ ।


ଅସୁମାରୀ ସ୍ୱପ୍ନ ଅସରନ୍ତି ଇଚ୍ଛା

   ହୃଦୟର ଶ୍ରଦ୍ଧା କୋଣେ,

ଦରଦୀ କିଏ ବା ଅତ୍ମୀୟତା ଭରା

  ଭାଗ୍ୟ, ଅହୋଭାଗ୍ୟ ପଣେ ।


ପବନର ବେଗ ମନର ସମ୍ଭନ୍ଧ

  କାହାକୁ ପାରିବ ଛୁଇଁ,

ହୃଦୟ ବୁଝିବ ପ୍ରୀତି ପରଷିବ

   ସ୍ୱପ୍ନ ଯିବ ସତହୋଇ।


ଅନ୍ତର ପଖଳା ଶ୍ରଦ୍ଧାର ମେଖଳା

   ଅଙ୍ଗେଅଙ୍ଗେ ପୁଲକିବ,

ଆଶା ବୈତରଣୀ କୂଳର କାହାଣୀ

    ନୀଳଢେଉ ଛୁଉଁଥିବ ।


ମନ ଛୁଇଁଯାଏ ଦରଦୀ ଭାଷାରେ

  ବେଦରଦୀ କିବା ଜାଣେ,

ବିଶ୍ୱାସର ଦୃଢ଼େ ସମ୍ପର୍କ ଜଣାଏ

   ଭିଜା ମମତା ପରାଣେ ।


ନିସର୍ତ୍ତ ଶ୍ରଦ୍ଧାର ନିସ୍ୱାର୍ଥ ଭାବନା

   ଶାଶ୍ୱତ ଓ ଚିରନ୍ତନ,

ନିଷ୍କାମ ଅନ୍ତର ବୁଝେ ତାହା ସିନା

    ପବିତ୍ର ଅମୃତାୟନ ।


Rate this content
Log in