ଅଲାଜୁକି କଇଁ
ଅଲାଜୁକି କଇଁ
ଦିଵସରେ କଇଁ
ନିଦେ ଶୋଇ ଶୋଇ
ସପନ ଦେଖଇ
ହୋଇଲା କି ସଂଜ
ଶଶୀ ଆଇଲେ କି ଉଇଁ
ଆକାଶରେ ଜହ୍ନ
ମନଟା ଉଛନ
ସୂରୁଜ ଯାଇନି ନଇଁ
ସାରା ଦିନ ଆଜି ଵିତି ତ ଗଲାଣି
ମିଳନର ବେଳ ଉଛୁର ହେଲାଣି
ଫେରି ଆସ ଦିନମଣୀ
ପ୍ରେମ ରସେ ରସି ତାମରସ
ଫେରିବାକୁ ମନୁ କରୁନାହିଁ ଭାନୁ
ପ୍ରେମିକଟେ ହୋଇ ଅରବିନ୍ଦ
ବିରହ ଯନ୍ତ୍ରଣା କିବା ଭଲ ମନ୍ଦ
ନଦୁ ଉଠି କଇଁ ହୁଏ କାନ୍ଦ କାନ୍ଦ
କଇଁ ମନ ଵୁଝି କମଳ
ଦେଲା ମେଲାଣି
ଚଣ୍ଡାଶୁଂ ଯିବାକୁ ହେଲେ ଚଞ୍ଚଳ
ପୂରୁବ ଆକାଶେ
ଖଣ୍ଡେ ମେଘ ମାଳ
ଲୁଚାଇ ଦେଲା ସେ
ଚାନ୍ଦ ମୁଖମଣ୍ଡଳ
ମୁହଁ ଦେଖି ବାକୁ କଇଁ
ହୁଏ ବିକଳ
ଏଡ଼େ ଅଲାଜୁକି ଆଲୋ କୁମୁଦ
ହସି ହସି କହେ
ସରସୀ ଜଳ ॥