ଅଚିହ୍ନା ମଣିଷ

ତୂ ସିନା ମୋତେ ଭୁଲିଯିବୁ ଧନ 

    ମିଳିଯିବ ତୋତେ ଭୁଲିବା ବାହାନା 

ମୁଁ କେମିତି ତୋତେ ଭୁଲି ପାରିବିରେ 

    ବାହାନା ମୋତେ ତ କରି ଆସେନା |

           ତୋ ମଥା ସିନ୍ଦୂର ହେବ ସାଥୀ ତୋର 

             ପାରିବୁନି ବୁଝି ଦୁଃଖ ବିରହର 

           ରାଜଉଆସରେ ରାଣୀ ହେଲାପରେ 

             ଅଭାବ ହେବନି ବନ୍ଧୁବାନ୍ଧବର |

  ତୋ ପାଦ କାହିଁକି ଲାଗିବ ଭୂଇଁରେ 

ଉଡ଼ୁଥିବୁ ତୁହିଁ ଉଡ଼ାଜାହାଜରେ 

ମୁଁ ଏକା ଏଇଠି ଧରଣୀରେ ଥାଇ 

ବିରହ ନିଆଁରେ ଜଳିବି ସିନା...... |

ତୂ ସିନା ମୋତେ......... 

ସୁନା ହରିଣୀ ତୁ ପାଲିଙ୍କିରେ ଝୁଲି 

   ଗାଇବୁ ଖୁସିରେ ମିଳନ ଗୀତ 

ମୋ ଭାଗ୍ୟରେ ନାହିଁ କାହାକୁ କହିବି 

ଲିଭିବ ନାହିଁ ମୋ ମନର କ୍ଷତ  |

        ତୁ କାହିଁକି ମତେ ପକେଇବୁ ମନେ 

     ତୋ ସ୍ମୃତିକୁ ସିନା ରଖିଛି ଯତନେ

ଅଚିହ୍ନା ମଣିଷ ପାଲଟି ଯାଇଛି ମୁଁ, ତୋ ପାଇଁ ସିନା.......i|

ତୁ ସିନା ମୋତେ.......... .